樂天皇朝 (東薈城名店倉)

營業中

休息中

不久前先食完上海菜，可能我真係好鍾意食上海菜，食多劑 -- 樂天皇朝!!樂天皇朝東涌呢度幾好坐，枱同枱唔會太近，室外仲有個位 Area 可以出去行吓。平日中午黎食就要留意，佢1230 後開始無位。小籠包唔講咁多，小籠包係必食，食過幾次樂天，唔使咁多花臣，原味最好食，皮薄多汁。上海炒飯飯炒得好香好均勻，醬汁味濃，又一必食。 蘿蔔絲酥餅蘿蔔絲酥餅又一必食，外鬆內熱辣辣，一人一隻唔係好夠喉。 上海生煎包生煎包個底煎得好脆，內餡亦多汁。 紅油抄手餃子粒粒都好大粒好足料，唔太辣，但我覺得略嫌偏酸。 蟹粉餡兒餅唔好睇佢好似普通韮菜餅咁，佢呢個飯做得唔錯，咬落去脆卜卜，仲會爆汁添。 炸饅頭叫吓叫吓，唔覺意叫咗咁多包，唔緊要，炸饅頭炸得脆卜卜，點練奶一絕。