焱丸水產

營業中

休息中

之前食過兩次焱丸水產，已經覺得好好食，今次慶祝周年紀念，要再過黎食好西。好彩我地係openrice book左檯，等左一陣就入得。我地叫左漁師2人前盛，擺盤好靚，所有刺身都好新鮮。拖羅入口即溶但又唔會好膩。赤貝好爽口，牡丹蝦又好大隻，啖啖都係肉。燒烤方面，我地叫左黑松露蟹肉甲羅燒、芝士蟹肉甲羅燒同埋帶子磯燒。店員幫我地燒好貼心，甲羅燒有粒鵪鶉蛋同蟹籽，撈埋一齊好香，好有口感。黑松露蟹肉好重黑松露味，鍾意黑松露既人必點。磯燒帶子好大粒，好新鮮好juicy。野飲叫左菠蘿燒酌同蘋果特飲。另外仲叫左三文魚中卷同香蔥和牛炒飯。個卷好大舊好滿足。炒飯好多和牛粒，和牛仲要煎到5成熟，油脂分布啱啱好，好有驚喜。