影片
更多
2024-12-01
393 瀏覽
今日下晝又出咗去食午飯，第一次去IFC唐述，12:30去到好彩仲有最後一張枱唔使等位，不過就冇大堂餐枱可以睇海景，入咗去廂房開餐。點咗兩個一人套餐，再加幾個散點。普洱茶屬於較為陳年茶葉，茶底較薄缺乏爆炸力。燈影蓮藕係薄切蓮藕片屬於冷盤 ，Wasabi加甜醬汁，辣辣甜甜好脆口，餐前菜醒醒胃。黑磚豆腐，似椒鹽豆腐再加西瓜芒果碎，外皮shortshort脆又鬆化，口感超特別，豆腐好嫩滑。五福臨門花雕浸鮑魚，用咗20年嘅花雕泡浸，酒味濃郁順口，鮑魚好腍滑但鮑魚味淡薄，20年嘅花雕醇厚好飲過白蘭地。柚子蝦味淡而蝦肉較為腍身，感覺一般般。昆布蕃茄仔上面加咗塊海藻，煮法有啲似法國嘅凍蕃茄湯，簡單但有心思。蔥油糖心帶子似係落咗Pesto，帶子肉帶淡淡甜味，未烹製前浸咗特別嘅汁液，好食!鴛鴦蕎頭同坊間蕎頭相似，冇乜特別食味。花膠石頭魚湯有蕃茄豆腐桃膠草菇。黑胡椒味有啲過重，口感味道複雜。燒鵝酥味道普通，食到有少少油益味，唔通用咗過期燒鵝？叉燒酥就落咗咖喱粉，外皮鬆化味濃，叉燒酥好過燒鵝酥，起碼冇油益味。蝦餃餡料全部都係超大粒蝦肉，味濃肉爽，用咗萵筍墊底，連萵筍都食埋唔好嘥！蟹肉餃似食大波波軟糖，軟檽有淡
普洱茶屬於較為陳年茶葉，茶底較薄缺乏爆炸力。
燈影蓮藕係薄切蓮藕片屬於冷盤 ，Wasabi加甜醬汁，辣辣甜甜好脆口，餐前菜醒醒胃。
黑磚豆腐，似椒鹽豆腐再加西瓜芒果碎，外皮shortshort脆又鬆化，口感超特別，豆腐好嫩滑。
五福臨門
花雕浸鮑魚，用咗20年嘅花雕泡浸，酒味濃郁順口，鮑魚好腍滑但鮑魚味淡薄，20年嘅花雕醇厚好飲過白蘭地。
柚子蝦味淡而蝦肉較為腍身，感覺一般般。
昆布蕃茄仔上面加咗塊海藻，煮法有啲似法國嘅凍蕃茄湯，簡單但有心思。
蔥油糖心帶子似係落咗Pesto，帶子肉帶淡淡甜味，未烹製前浸咗特別嘅汁液，好食!
鴛鴦蕎頭同坊間蕎頭相似，冇乜特別食味。
花膠石頭魚湯有蕃茄豆腐桃膠草菇。黑胡椒味有啲過重，口感味道複雜。
燒鵝酥味道普通，食到有少少油益味，唔通用咗過期燒鵝？
叉燒酥就落咗咖喱粉，外皮鬆化味濃，叉燒酥好過燒鵝酥，起碼冇油益味。
蝦餃餡料全部都係超大粒蝦肉，味濃肉爽，用咗萵筍墊底，連萵筍都食埋唔好嘥！
蟹肉餃似食大波波軟糖，軟檽有淡淡蟹味，真係好得意，咁都比大廚煮到出嚟。
古法山楂咕嚕肉炸䊢外皮薄薄酥脆，甜甜酸酸山楂味唔特出，肉質軟嫩，有水準之作。
鮑魚鵝掌掌肉超腍味重，鮑魚超正味濃郁，𡁻多幾啖細細品嚐糖心鮑魚嘅美味，可惜無叫麵，嘥晒啲咁正嘅鮑魚汁。
太子肉枕係蟹膏豆腐撈龍蝦肉，龍蝦肉有啲煙靭，不過都彈牙，加埋各有所長嘅蟹膏同豆腐，口感非常複雜。
蕃茄炒蛋煎馬友，魚皮煎得好香脆，奈何馬友肉味淡，蕃茄炒蛋幾好食。
甘栗珍菌炆飯，米飯較為濕身略甜，有竹笙羊肚菌，用料足夠多個米飯，栗子軟軟甜甜，做法特別。
珠光寶盒原來係凍冰冰甜品，用白朱古力椰子味外皮包住開心果mouse，賣相同做法都花咗唔少心思，味道口感趣怪好食而有少少偏甜。
薑茶湯圓，綠色湯圓用泰式Pandan椰絲糖做餡料，番薯湯圓餡料好鬆化冇渣，白色湯圓就係蔴蓉餡料，薑汁潤滑辣辣地夠曬薑味。
食店裝修華麗，佈置考心思，座位寬敞舒適，餐桌瓷器杯碟碗筷夠精緻，屬於新派中菜食肆，烹煮用心用力，食材選料上乘，下午飯每人花費$700，稍為偏貴但物有所值，儲夠錢值得再去幫襯！雖然坐於廂房較隱蔽，侍應不斷留心客人需要，服務勤快有禮貌，值得一讚。
鮑魚鵝掌
0 瀏覽
0 讚好
0 留言
張貼
