81
6
4
| 餐廳: | 唐述 |
|---|---|
| 優惠: |
於此國泰夥伴餐廳用餐賺里 ! 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
影片
港鐵香港站 F出口, 步行約4分鐘
繼續閱讀
電話號碼
68092299
開飯介紹
唐述的「述」，有敍述的意思。唐述透過形、念、事、物 四個面向，以煥然一新的方式，演繹中菜的飲食哲學，創造一系列看似熟悉，而又充滿驚喜的玩味菜式，重新定義品嚐中菜的體驗。用餐以外，唐述亦設有酒吧，將會不時推出以中式食材為主題的特別調酒，並為菜式設計雞尾酒配搭，為客人帶來不絕驚喜。
繼續閱讀
附加資料
Cocktail available from 9pm
營業時間
今日營業
12:00 - 15:00
18:00 - 22:00
星期一至日
12:00 - 15:00
18:00 - 22:00
*星期一至五午餐最後落單時間: 14:30 星期六、日及公眾假期午餐最後落單時間: 15:00 晚餐最後落單時間: 21:30
以上資料只供參考, 請與餐廳確認詳情
優惠
| 餐廳: | 唐述 |
|---|---|
| 優惠: | 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
相關文章
一直知IFC 開了一間新式中菜餐廳，大家都讚不絕口，今天終於跟朋友夾到時間，立即訂枱，餐廳位於IFC 3樓，裝修中西共融，典雅有品味，而且飽覽維港景色，黃昏時分到來，景色醉人。天氣太熱，吃飯前先來一杯吧～這裏飲品的選擇頗多，紅、白、香檳、雞尾酒、中國白酒等都有不同的選擇，天氣太熱，就點杯PJ 香檳，汽泡細密溫柔，帶微微的清香及酸，夏天喝非常的適合。✨世味人生（Hk$1,388/人）✨🌟慢煮雲南泡椒皇帝帶子冷盤前菜，以雲南泡椒配上爽口彈牙帶子，微微酸辣，更突顯帶子的鮮甜。🌟苔菜豆腐、西班牙黑毛豬叉燒酥、黃袍金衣熱葷前菜三小碟。苔菜豆腐，小小一口的豆腐，外脆內嫩滑，充滿海苔香味；然後再吃西班牙黑毛豬叉燒酥，酥皮酥脆，內裹用上黑毛豬做的叉燒，吃到西班牙豬的濃郁，而且軟淋入味；最後吃最濃味的黃金蝦，裹上鹹蛋黃的虎蝦，大大隻爽口又彈牙，再加上惹味鹹蛋黃，超惹味😋🌟象拔蚌夜香花乾貝燉夏瓜湯夏天的湯水，用上象拔蚌及乾貝燉的冬瓜湯，清爽清甜，而且仲有大大粒帶子，超正🤩🌟私房吉品溏心乾鮑扣鵝掌吉品溏心乾鮑厚身，中心煙韌，吃時軟淋，充滿濃郁鮮香，配上鮑汁扣得入味，而鵝掌更是絕配，美味非常😋🌟珍寶珠吃過濃味的乾鮑後，店員奉上士多啤梨雪葩做成的珍寶珠，讓你清一清味蕾，做型可愛又細心🫶🌟古越龍山20年花雕蛋蒸海蝦上枱時店員噴上20年的古越龍山花雕，香氣撲鼻，亦帶出蒸蛋及海鮮的鮮味，而蒸蛋嫩滑，海蝦則紮實，兩者配合，口感豐富又鮮味。🌟鹹酸菜奶油濃魚湯生煎麒麟魚將麒麟魚的魚鱗半煎炸得像薯片般香脆，而魚肉則保持嫩滑，拌著藤椒鹹酸菜奶油濃湯同吃，魚湯濃郁厚滑，酸酸辣辣清香又鮮味，配著麒麟魚同吃，突出魚肉的鮮味，超正🤩🌟砂鍋菌香雞店員會在你面前即席將半熟的雞及野菌在已預熱砂鍋上再爆炒，瞬間充滿菇菌香及雞肉香味，而雞肉及野菌啲調味亦更融合，雞肉嫩滑入味，配上野菌，非常美味😋🌟石頭魚蝦米節瓜湯浸鴛鴦米最後是主食，用上石頭魚煮的濃湯，濃郁鮮甜的魚湯，配上米粉，吸收晒魚湯的鮮甜味，非常好吃。🌟 20年陳皮鐵觀音雪糕估不到最後的甜品都非常精心製作，店員即席將20年的陳皮刨在自家製的鐵觀音雪糕上，雪糕滿滿白鐵觀音清香，再加上陳皮香，完美的甜品😋
繼續閱讀
朋友同今日去左食呢間中菜嘅brunch，有任食點心和甜品，全部精緻又美味，非常豐富。首先講下前菜「五代同堂」，有五款小食，昆布甜酸意大利番茄仔酸甜適中，口感清新，帶來一抹清爽；慢煮泡椒蟶子皇則係味覺上嘅挑戰，泡椒嘅辣同微酸結合蟶子嘅鮮味，食落去非常過癮。主菜方面揀左茅台鮮蠔煀雞煲。呢道菜充滿咗中式風味，雞煲內嘅雞肉嫩滑多汁，煀得入味，濃郁得嚟唔會過膩，而加入咗鮮蠔之後，蠔味滲透入雞肉當中，茅台酒嘅獨特酒香令到成個煲更添高貴。再講下乾貝夏瓜花膠湯，呢個湯係一道滋補又美味嘅選擇。乾貝煲得非常入味，帶出陣陣鮮甜香氣，花膠嘅質地柔韌，入口即溶，充滿膠質；夏瓜嘅加入帶嚟咗一絲清甜，平衡咗湯嘅濃郁。整個湯頭清甜而唔油膩，每一啖都係滋味滿滿，亦非常滋養，係一個完美嘅暖胃開場。除咗主菜同湯品，無限量供應嘅點心叫人眼花撩亂。香脆蝦多士帶嚟一種懷舊嘅味道，外脆內嫩；珍珠雞糯米軟糯香濃，內餡豐富多汁；陳皮魚蓉粥清甜暖胃，陳皮香味濃郁；xo醬炒腸粉惹味十足，炒得乾身又唔失柔滑；迷你乾炒牛河更係香氣撲鼻，牛肉嫩滑，炒得非常出色。甜品都相當出色，古法馬拉糕帶有濃郁嘅黑糖香，香煎黃金糕口感獨特，微甜薏米糕清甜淡雅，脆皮炸鮮奶外脆內滑。
繼續閱讀
我同我媽媽星期六去咗國際金融中心商場一間中菜廳食中式brunch，真係一個好特別的用餐體驗！一入到餐廳，我哋經過兩條長長的走廊，走廊兩旁有花瓶，樓底特別高，有一種宮廷的氛圍，令我哋感覺好似返到古代，真係好有氣派！首先上嚟嘅係湯品，瑤柱夏瓜花膠湯。湯色清澈，味道鮮美，瑤柱同花膠嘅搭配令湯底更加豐富，喝落去好滋潤，夏瓜的清甜感又增加咗湯的層次！接著就係前菜，上咗五款，包括蔥蓉帶子、生醃蝦、酸蕎頭、去皮蕃茄仔同蟶子。蔥蓉帶子新鮮，肉質滑嫩，生醃蝦用酒醃製，有一片小果凍放喺蝦上面，食得出有酒嘅味，好特別，！酸蕎頭好爽口，正好刺激食慾；蕃茄仔清甜可口，蟶子切碎上，新鮮可口，真係開咗個靚頭！主菜方面，我哋分別揀咗蔥爆龍蝦同蔥爆蠔配雞。呢兩道菜上嘅時候，擺盤精緻，侍應都會特別奉上比我哋影相打卡，然後再轉煲上枱。龍蝦肉質鮮嫩，蔥爆嘅香味令人食到停唔到，真係好完美。至於蔥爆蠔同雞，蠔肉鮮美，配上鮮嫩雞肉，香味十足！接下來就係飲食點心方面，我哋叫咗幾款炸物，包括蝦多士、炸春卷、椒鹽豆腐同埋炸鮮奶。全部都係即叫即炸，蝦多士外脆內嫩！炸春卷皮薄餡多，入面有一大舊蝦，椒鹽豆腐炸得外脆內軟，內裡滑溜，真係一試成主顧！蒸點心方面，我哋叫咗蝦餃、燒賣同海苔小籠包。蝦餃啖啖都係鮮蝦，皮薄餡多，燒賣正常味道，而海苔小籠包就特別有驚喜，吃落去有海苔香氣，湯汁豐富，真係好好味！我最鍾意嘅係迷你蛋撻，蛋香飽滿，外層酥脆，真係一口接一口，想再叫嗰陣時已經售罄，可想言之幾受歡迎！最後，我哋仲叫咗好多款甜品，包括紅豆沙、熱情果凍、白糖糕，以及出邊很少食到嘅微糖蒸薏米糕。紅豆沙，甜度啱啱好；熱情果凍清新可口，帶有酸甜的口感；白糖糕軟軟的，而微糖蒸薏米糕就係特別少見，味道清甜，口感獨特，真係一個好完美嘅結尾。總之，今次喺國際金融中心嘅中菜廳用餐，真係一個非常美好嘅體驗。無論係環境、服務，或者食物質素，都令我同媽媽非常滿意！
繼續閱讀
呢個 $588/位嘅Brunch真係超值，「五代同堂」呢個頭盤係由五款精緻菜式組成，每一樣都係口感同味道嘅享受。蔥油帶子係其中一個亮點，帶子鮮甜彈牙，蔥油嘅香氣完美地襯托出海鮮嘅鮮味；而20年古越龍山生醃牡丹蝦亦係一絕，帶有微微嘅酒香，蝦肉滑嫩甘甜，係一次難忘嘅味覺體驗。主菜方面，三蔥爆龍蝦真係唔可以錯過。龍蝦肉鮮嫩彈牙，三蔥嘅香味滲透入每一絲龍蝦肉入面，令到每一口都充滿咗濃郁嘅鮮味同香氣，龍蝦肉質結實但唔失嫩滑，爆炒嘅手法令龍蝦更添香氣，食落口感一流。然後仲有無限量點心環節，呢個真係點心愛好者嘅天堂。瑪瑙蝦餃皮薄餡靚，蝦肉鮮甜爽口；蟹籽燒賣加入咗蟹籽，增加咗海鮮味道層次，口感豐富；海苔小籠包獨特嘅海苔味同湯汁一齊喺口中爆發，滋味無窮；翠玉菓子係一款清新嘅選擇，翠玉瓜嘅脆嫩同內餡嘅甘甜形成鮮明對比，口感清爽；功夫手工酥用上混合菇類製作，酥皮香脆而內餡芳香濃郁；脆皮蝦春卷外脆內嫩，蝦肉豐富；椒鹽脆豆腐外脆內滑，啱晒鍾意脆口嘅朋友。甜品方面，無限量供應嘅甜品都係精心製作。貴妃玉露帶有微甜同香芋嘅香氣，陳皮紅豆沙溫暖又滋潤，熱情果凍糕酸甜開胃，懷舊白糖糕鬆軟而有嚼勁，即焗蛋撻皮脆餡滑。
繼續閱讀
我們點了世味人生套餐，開始了這場美食之旅。首先上的是慢煮雲南辣泡椒皇帝帶子，鮮嫩的海味與微辣的口感相得益彰。接著是西班牙黑毛豬叉燒酥，外脆內嫩的口感令人驚喜，搭配苔菜豆腐，清新可口。然後，我們品嚐了象拔蚌夜香花乾具墩夏瓜湯，湯頭清甜，帶有海鮮的鮮味，令人陶醉。私房吉品溏心乾鮑魚扣鹅掌更是讓人垂涎欲滴，鮑魚的滑嫩與鵝掌的彈牙完美結合。用餐過程中，珍寶珠的冰鎮酸味口感讓我們的味蕾清新開胃。隨後上桌的古越龍山20年花雕蛋蒸海蝦，鮮香撲鼻，鹹酸菜奶油濃魚湯生煎麒麟魚則讓人感受到濃厚的層次感。最後，甜品是20年陳皮鐵觀音雪糕，店員現場磨的陳皮與茶香果凍的搭配，完美詮釋了香濃的茶味，令我們的晚餐畫上了圓滿的句號。
繼續閱讀