悅滿軒

出糧日同屋企人食好西，之前同屋企人去過翠雅山房睇展覽發覺環境唔錯，發現原來個度有間西餐廳，環境安安靜靜，可以慢慢坐下。個名好骨子，叫悅滿軒，House of Joy，希望呢餐同餐廳名一樣，食得喜悅。Menu 都多選擇，散叫為主，有前菜，Main，牛，飲品等等。點好菜就上麵包，牛油入面配左黑松露醬，麵包亦都唔錯，唔乾身，食落少少濕。主菜點左自家製菠菜貝殼粉配鑽石蜆，忌廉菠菜汁鑽石蜆夠大隻，食落仲有海水味。貝殼粉自家製，搞落有口感，煙煙韌韌，咬口十足。原來以為蜆出係四隻蜆，但拎羹畢落去，入面有好多蜆肉，足料！😋 忌廉汁入口香濃，配貝殼粉有掛汁效果，仲外加菠菜碎，中和番忌廉汁嘅香濃。寶雲酥焗西班牙伊比利亞羊扒配自家製羊肉腸 配砵酒汁。呢味非常有驚喜，少餐廳會有自製羊肉腸，所以一上碟就食腸先😂 嘩，浸羊味好香濃，中意食羊嘅實好開心，腸衣香脆，有d 香草味。雖然唔係好大條，但d 餡料太豐富，真心驚喜。 講埋舊羊扒，寶雲酥好香，香草同羊永遠好夾，羊扒焗得岩岩好，叫左七成，食落好軟熟，羊脂好香好滑，羊味無過濃。個砵酒汁非常高質，甜中帶少少澀，中和番d 肥膩感，呢味非常推薦！再用杯 cappuccin