HeSheEat (綠楊坊)

營業中

休息中

之前試過旺角分店，覺得環境舒服野食又好味，今日同朋友行完街黎試一試，水準依然，沒有令我失望！紅花海鮮燴意大利飯（⭐⭐⭐⭐⭐）義大利飯用料豐富，有大量新鮮海鮮，包括蒜蓉煎大蝦、峴同魷魚。大蝦十分爽口，有微微的燒焦味，十分惹味！飯底吸收左濃濃嘅湯汁，粒粒分明，好有海鮮味！燒鰻魚滑蛋意式紅飯（⭐⭐⭐⭐⭐）原條燒鰻魚舖上飯面，實在有驚喜！鰻魚肉質肥美鮮嫩，而且醬汁甜味適中。炒蛋十分嫩滑，好有雞蛋的香味。飯底炒過帶少許番茄味，平衡鰻魚油脂感，好開胃！宇治金時抹茶梳乎厘班戟（⭐⭐⭐⭐⭐）班戟十分鬆軟，帶空氣感，雞蛋味亦好濃郁，兩層疊埋搖搖欲墜的視覺效果十分有動感！抹茶醬好順滑，有濃濃的抹茶味，值得一試！日式紫薯牛角包窩夫（⭐⭐⭐⭐💢）窩夫新鮮焗起，十分脆口帶香濃牛油味，鮮甜嘅紫薯餡加雪糕甜而不膩，加上清新芒果粒更令我一試愛上！蜂蜜檸檬柚子茶（⭐⭐⭐⭐💢）茶味濃郁，柚子蜜清甜解膩，喺天冷時飲一杯十分暖胃。另外好中意餐廳特意加入檸檬，令平時唔太好甜野既我都感到杯野飲好清新，暖胃之餘又唔會令到好頸渴。凍香蕉朱古力咖啡（⭐⭐⭐⭐💢）朱古力味十分濃郁，咖啡亦濃香，夾忌廉仲好滑口！而且同平時飲既朱古力咖啡唔同