Poke Go (大南街)

營業中

休息中

把握午餐機會，初嘗夏威夷魚生飯Poke bowl。Poke 在夏威夷語中指「切塊」的意思。個人感覺夏威夷魚生飯比日本魚生飯有好大分別，多咗啲醬汁。醬汁同配料選擇更多，健康人士仲可以轉蔬菜沙律底。Nalu以熟八爪魚為主菜，配以壽司飯、蟹肉同不同配料。用料十足，每一口都有海鮮。八爪魚唔韌，蟹肉有一絲絲嘅質感，唔會散。醬料用咗辛味蛋黃醬，面頭加埋辣椒碎，都幾辣。除咗辣味，仲有蟹肉鮮甜同粟米嘅香甜，芝麻、香蔥嘅惹味，味道好豐富。朋友嘅Ohana係沙律底。男士食沙律都食得飽。Ohana嘅主菜由八爪魚轉咗吞拿魚，粒粒都厚切。朋友大讚好清新。佢好欣賞小蕃茄一咬爆汁嘅效果。口痕叫咗火山炸雞做小食，面頭嘅辣粉係同Nalu一樣，結論係好辣。好彩午餐送飲品，叫咗菠蘿汁，解辣一流。