岳川串揚

營業中

休息中

happy Friday梗係要搵個地方成班friend一齊傾吓計，講吓老闆是非啦！😂我哋最鍾意一路食串燒一路吹水，感覺特別chill!年糕就係我最鍾意嘅串燒單品，呢度可以一次過食到秘製年糕同埋燒芝士年糕😍過過火嘅年糕口感特別QQ彈彈，然後中間仲包住芝士嘅話，就更加停唔到口！將肥美嘅豚肉包住清新嘅蔬菜，蔬菜仲可以吸收咗油分，肉肉食落冇咁肥膩，而蔬菜就多咗一份油香，呢個咁美妙嘅配搭就係豚肉蘆筍卷喇！黑豚肉五花、燒鱔同埋燒蠔都係即叫即燒，蠔身夠飽滿，肚仔部份夠晒肥美，配上蔥花格外惹味！飽肚之選，一定係揀櫻花蝦湯烏冬啦！清澈嘅高湯略帶蝦子味，可以好純粹咁享受烏冬嘅味道！在居酒屋🏮唔一定飲啤酒嘅，嘆番支完熟水蜜桃梳打一樣咁享受😎香甜嘅蜜桃氣息一樣令人好relax 㗎！