影片
更多
2020-08-21
1686 瀏覽
生日特登book 呢間米之蓮兩星，捉另一半陪我食餐好😍book 左十二點，book 時每人都要先做個預付留位，唔嚟就會照扣錢。呢間餐廳想試好耐，但裝修前無試過，聽講裝修後感覺舒服啲。安排左個梳化位比我哋坐得舒服啲，唔洗打對坐。唔記得影低餐牌，但係選擇方面我地都用左一點時間。最後選擇左950的套餐，但係呢樣又要加錢果樣又要加錢😂其實唔太化算。討論同落單期間，旁邊有個女仔侍應好用心咁為兩個女仔客人介紹同埋推介食品，我都好期待有人會咁樣介紹，但無，最後要我自己出聲問人。先上自製SourDough。還好，還是熱的，配上自製檸檬牛油，不過不失。我期待有埋Pastry其實。Welcome amuse bouche。忘記左咩黎，個底有青豆，中間係魚子。但我同男朋友唔太岩食，因為本身唔中意食呢一類魚子，食落好。。唔知點講。鍾意食嘅人會覺得fresh，唔鍾意就覺得腥😟第一道菜我同男朋友都揀咗鴨肝🥰但佢唔係煎，佢係mousse 。所以好綿密同埋香滑。本身以為好細份，以為會唔夠食所以兩個都揀咗一樣。超級好味呀👍🏻👍🏻👍🏻比三個手指公。配上佢燒到脆卜卜嘅牛油多士，食極都停唔到。唔好睇佢咁細份，其實佢都幾油膩，
最後選擇左950的套餐，但係呢樣又要加錢果樣又要加錢😂其實唔太化算。討論同落單期間，旁邊有個女仔侍應好用心咁為兩個女仔客人介紹同埋推介食品，我都好期待有人會咁樣介紹，但無，最後要我自己出聲問人。
先上自製SourDough。還好，還是熱的，配上自製檸檬牛油，不過不失。我期待有埋Pastry其實。
Welcome amuse bouche。忘記左咩黎，個底有青豆，中間係魚子。但我同男朋友唔太岩食，因為本身唔中意食呢一類魚子，食落好。。唔知點講。鍾意食嘅人會覺得fresh，唔鍾意就覺得腥😟
第一道菜我同男朋友都揀咗鴨肝🥰但佢唔係煎，佢係mousse 。所以好綿密同埋香滑。本身以為好細份，以為會唔夠食所以兩個都揀咗一樣。超級好味呀👍🏻👍🏻👍🏻比三個手指公。配上佢燒到脆卜卜嘅牛油多士，食極都停唔到。唔好睇佢咁細份，其實佢都幾油膩，食完都飽咗一半。
中間叫咗一個Girolle 係我難忘的菜式之一。底下係炒過嘅喇叭菇，中間係黑松露cream，面頭都係菇整成嘅，配上脆脆增加口感👍🏻配上旁邊綠色嘅，係用garlic嘅莖打成嘅醬，所以菇味濃郁之餘，只有淡淡garlic加淡淡青味。完全唔會搶味！好正，每一口都係令我回味，唔捨得食哂
主菜有烤羊肩，配上蜂蜜芥末，以及來自摩洛哥的香料，有點似孜然粉，配上羊就好夾！羊肉超滑身，唔會有多餘肥膏影響口感，啖啖肉，唯羊羶味欠奉，我個人比較中意食羶味重既羊。旁邊用法國香料savory炒的豆豆好味😋
另一道主菜，煎血鴨。好食，鴨味濃郁，配上黑朱古力醬，醋漬車厘子🍒及醋漬紅菜頭，苦味、甜味同酸味，中和左鴨獨特的嗆味。有食過配rasberry的，大家都係做返同一效果。幾好食，唔錯。
甜品melon幾有創意，有新鮮蜜瓜，蜜瓜sorbet配香檳啫喱，同埋青瓜片，fresh！
另一個甜品🍮係我估佢唔到咁好食！我搶埋黎食哂😂男朋友唔太欣賞，但我愛！呢個係松果甜品。個底係crunchy松果粒粒，可可豆，上面係松果製成的脆片手。一咩一啖，一咬落去成口松木味。我無講錯，係木味。好好食，每食完一口都留有餘香，傢俬果隻木香味，估唔到放入口係咁舒服
petite fours變咗脆餅小盒子，中間係雪糕 。仲有台灣百香果，超級甜超級好食！我食左三件😂仲有即沖espresso，面頭有青檸皮，增加香氣。
呢個體驗非常好生日餐來說真的夠難忘了，佢仲送左個迷你生日蛋糕俾我😍係芒果慕絲嚟😋
張貼
