影片
更多
2021-02-08
1366 瀏覽
Monday Blues。要試試新野cheer up 返自己。今日去一間位於太子既西餐廳食lunch。餐廳裝修以白色為主調，感覺外國feel。午市套餐有7款，有沙律，意粉，意大利飯，All Day Breakfast，扒，魚。套餐包餐湯或熱檸茶檸水咖啡。可加$3轉凍飲，或半價轉其他飲品，又可加$8配沙律。由於我地都好肚餓既關係，所以叫多個小食分享。小食拼盤 (芝士條, 甜薯條, 芝麻雞翼, 芝士蔥餅) $138+10%芝士條四條，好粗身，外皮香脆，入面軟淋超拉絲，好食喎！芝麻雞翼兩大隻連雞翼尖，炸得好脆，但係入面肉汁豐富，仲好嫩滑。甜薯條即係蕃薯條，份量唔少，又脆又幼又甜，唔洗沾隨碟既千島沙律醬都好食，就算凍左先食都好味。芝士蔥餅四塊，原來入面夾住薄薄芝士，有微微既香蔥味，外脆內軟咁，新奇又好味。流心芝士牛角英式早餐 $98＋10％午餐之一。本身好少叫All Day Breakfast，因為唔太鍾意煙肉。見到呢度既All Day Breakfast冇煙肉，即刻試下先。賣相唔錯，好多野食。流心芝士牛角包有兩個迷你包，我地一人一個。牛角包皮脆內甜，入面d芝士真係多到流出黎，好正，好好味！
午市套餐有7款，有沙律，意粉，意大利飯，All Day Breakfast，扒，魚。套餐包餐湯或熱檸茶檸水咖啡。可加$3轉凍飲，或半價轉其他飲品，又可加$8配沙律。
由於我地都好肚餓既關係，所以叫多個小食分享。
小食拼盤 (芝士條, 甜薯條, 芝麻雞翼, 芝士蔥餅)
$138
55 瀏覽
0 讚好
0 留言
小食拼盤 (芝士條, 甜薯條, 芝麻雞翼, 芝士蔥餅) $138+10%
芝士條四條，好粗身，外皮香脆，入面軟淋超拉絲，好食喎！芝麻雞翼兩大隻連雞翼尖，炸得好脆，但係入面肉汁豐富，仲好嫩滑。甜薯條即係蕃薯條，份量唔少，又脆又幼又甜，唔洗沾隨碟既千島沙律醬都好食，就算凍左先食都好味。芝士蔥餅四塊，原來入面夾住薄薄芝士，有微微既香蔥味，外脆內軟咁，新奇又好味。
流心芝士牛角英式早餐
$98
32 瀏覽
0 讚好
0 留言
流心芝士牛角英式早餐 $98＋10％
午餐之一。本身好少叫All Day Breakfast，因為唔太鍾意煙肉。見到呢度既All Day Breakfast冇煙肉，即刻試下先。賣相唔錯，好多野食。流心芝士牛角包有兩個迷你包，我地一人一個。牛角包皮脆內甜，入面d芝士真係多到流出黎，好正，好好味！黑松露炒蛋係炒滑蛋上面加d黑松露醬。黑松露超香，d炒蛋都算滑但唔油。煙三文魚有兩塊，唔算太乾。牛仔腸一大條介開一忽，食落個皮少少脆入面juicy，連我呢d唔太鍾意食腸既都覺得好食。焦糖香蕉一大條開左邊，香蕉本身超甜，而個塊焦糖脆面真係好脆。什菜沙津d沙律菜同車厘茄都新鮮，只係加左少少沙律醬同芝士塊。呢個All Day Breakfast 真係唔錯。
美國安格斯肉眼扒(7安士)配薯蓉
$108
35 瀏覽
0 讚好
0 留言
美國安格斯肉眼扒(7安士)配薯蓉 $108+10％
美國安格斯肉眼扒(7安士)配薯蓉
$108
41 瀏覽
0 讚好
0 留言
午餐之一。見到係用碟仔上都有d surprised。不過絕對唔影響塊扒既質素。塊扒叫左三成熟，最後食既時候五成熟左右，啱啱好。外皮煎得香脆但一d都唔油，肉質超嫩，好容易切開，連筋都好食咬得開，沾另上既燒汁更好食。塊扒下面有一大pat加左香草既薯蓉，如果滑d會更好。沙律菜同車厘茄都新鮮，加左少量沙律汁，清新健康。呢個扒認真唔錯，好少食到d咁好食既扒。
龍蝦湯 （跟餐）
餐湯居然係名貴既龍蝦湯。我地都捨飲取湯。龍蝦湯味道ok，再濃厚d更好。
食哂所有野，超飽。每人除返唔洗$200。唔怪得平日午飯時候都要等位，走個陣時一點幾都仲有人等緊。入面得十張枱左右，可能繁忙時間要等一陣。
張貼
