影片
更多
2020-11-08
65 瀏覽
之前一直想去食一次素菜，但又心大心細，擔心會唔好食。不過有朋友推介呢間餐廳，所以都選擇去試下。我地一行二人，一人叫左一個晚市套餐。真心咁講，套餐都包左好多野，有前菜、餐湯、手卷、主食、餐飲、甜品，平時比較慳家嘅我，覺得非常之抵食！前菜都係比較開胃，主要係沙律菜，仲有柚子粒，非常啱我胃口。餐湯有兩款，分別係西湯 （蘑菇湯）及中湯（燉湯），我地一人叫左一款。蘑菇湯好綿，而且好重磨菇味，我覺得好好飲！中湯似係藥材湯，飲落去令我覺得好補呀，女士嘅至愛！呢度嘅手卷係我食過最特別嘅。原因係手捲入面唔係包住飯，而係配合素菜嘅主題，包住一堆菜。原本嘅飯主要由苜宿芽代替，食落去嘅感覺似係食緊豆苗。而且手捲入面仲有芒果、牛油果、青瓜等，令到手卷有返層次感。主食方面，我地叫左一份青咖喱薄餅，仲有芝士焗千層麵。先講下青咖喱，佢有配埋薄餅及白飯，同個咖喱簡值係天作之合。而且咖喱入面有滿滿嘅蔬菜，我覺得好滿足！芝士焗千層麵，又焗又芝士，I’m loving it!餐飲我地加錢叫左啲特別少少嘅，杏仁牛乳超級重杏仁味，如果喜愛杏仁味嘅人，一定要食呀！另一杯係洛神花茶，味道都唔錯！佢地嘅甜品都估唔到幾好食，最吸引我嘅係
我地一行二人，一人叫左一個晚市套餐。真心咁講，套餐都包左好多野，有前菜、餐湯、手卷、主食、餐飲、甜品，平時比較慳家嘅我，覺得非常之抵食！
前菜都係比較開胃，主要係沙律菜，仲有柚子粒，非常啱我胃口。
餐湯有兩款，分別係西湯 （蘑菇湯）及中湯（燉湯），我地一人叫左一款。蘑菇湯好綿，而且好重磨菇味，我覺得好好飲！中湯似係藥材湯，飲落去令我覺得好補呀，女士嘅至愛！
呢度嘅手卷係我食過最特別嘅。原因係手捲入面唔係包住飯，而係配合素菜嘅主題，包住一堆菜。原本嘅飯主要由苜宿芽代替，食落去嘅感覺似係食緊豆苗。而且手捲入面仲有芒果、牛油果、青瓜等，令到手卷有返層次感。
主食方面，我地叫左一份青咖喱薄餅，仲有芝士焗千層麵。先講下青咖喱，佢有配埋薄餅及白飯，同個咖喱簡值係天作之合。而且咖喱入面有滿滿嘅蔬菜，我覺得好滿足！芝士焗千層麵，又焗又芝士，I’m loving it!
餐飲我地加錢叫左啲特別少少嘅，杏仁牛乳超級重杏仁味，如果喜愛杏仁味嘅人，一定要食呀！另一杯係洛神花茶，味道都唔錯！
佢地嘅甜品都估唔到幾好食，最吸引我嘅係紫脆金迷，有芋頭味雪糕、酥皮脆脆、奇異子，口感好豐富；而且一層層咁擺好，打卡影相一流！
今次晚餐十分啱我胃口，令我之後都想食下素菜，感覺都出
張貼
