高高酒家 (已搬遷) 新店位置

今日一行五個人，去深水埗高高餐廳晚餐。朋友話一定要試冰鎮咕嚕肉，聽個名已經好想試！上菜時已經比佢嚇親，好大堆冰⋯⋯啲肉外皮酥脆，裡面竟然仲有肉汁，難怪朋友推介話一定要試～脆皮炸豬手就一般般，份量大但不是特別出色，反而好鍾意豬手上邊嘅酸薑，超級開胃之餘可以減低油膩感，正！避風塘桶蠔好新鮮。另外叫左黑椒薯仔牛柳粒，好好食！啲薯仔外面甜脆，中間入口融化～炒飯同菜都係不過不失～今次我地好好彩，坐邊位，比較靜小小可以傾到計。