影片
營業時間
今日營業
11:00 - 02:00
星期一至日
11:00 - 02:00
以上資料只供參考, 請與餐廳確認詳情
食家推介
💦剝殼椒鹽瀨尿蝦(需預定）已經剝殼嘅瀨尿蝦食落去啖啖肉感覺特別爽🥹新鮮嘅蝦肉配上炸到又香又脆嘅椒鹽，又鮮甜又香口，正👍🏻🧄蒜蓉蒸蟶子王蟶子夠曬大隻冇沙，質感爽甜，但係可惜有小小腥🧊冰鎮咕嚕肉咕嚕肉脆脆地，出面凍入面熱，酸酸甜甜味道不錯🦪炸蠔餅炸得十分脆口，蠔仔都幾大隻，雖然份量大，但係蠔仔唔算多🦢豉椒鵝腸鵝腸冇異味，配上酸菜，口感爽脆，不過份量唔算大🌽椒鹽粟米🥩蜜椒薯仔牛柳粒🥬金銀蛋莧菜餸菜都係正常發揮，不過呢個價錢黎講份量較少🥲CP值唔算高，不過鍾意食瀨尿蝦嘅朋友都值得一試❣️ 📍 深水埗福榮街188號曉盈地舖及1樓(深水埗地鐵D2出口步行約6分鐘)
繼續閱讀
幾年前食過舊地重遊但水準降低了價錢貴左，但食物質素下降了成間餐廳環境都好嘈雜，根本傾計都聽唔到同枱人講野，要好大聲先聽到。所以唔適合gathering.呢個價錢，好多酒樓都食到
繼續閱讀
同幾個朋友去試下呢間嘞！睇下個菜牌，價錢係比一般大路嘅稍貴十令廿蚊咁，咁就係咁咦叫幾個試下。無殼脆皮瀨尿蝦！瀨尿蝦細細兜，平時打冷一大碟最細嗰啲，淋粉醬炸同食九肚魚唔差好遠，八大舊盛惠三舊。豉油王炒吊片！啲尤魚仔切到細細碎碎，我平時攞嚟炒飯嗰啲都可能大粒嗰佢，最離譜係個咕嚕肉，切到肉粒咁，一啲口感都無，百四蚊賺到真係瞓著到笑醒其豉餘都費事寫，總結呢檔嘢收費貴但又唔捨得俾客食，容器大但食材小，無下次了。
繼續閱讀
每次一班朋友去食飯必去高高 坐低就有前菜小碟食住等，今日係醃青瓜 。必食推介🔴咸雞 鹹香軟滑 附送雞雜 新鮮雞先有架！豉油王炒麵 炒得夠乾身 有鑊氣 爽脆口感 有蔥韭菜芽菜 剁椒蒸魚雲 剁椒香口唔太辣 魚雲用大魚頭蒸得剛好 好鮮味椒鹽賴尿蝦肉 呢度嘅椒鹽賴尿蝦係剝咗殼架！ 香脆彈牙！小炒皇 夠鑊氣已經贏晒 不過入面無魷魚鬚今日仲食咗🟠油鹽水花甲粉絲 是日花甲比較瘦弱薑蔥蠔煲走蔥 由於朋友唔識蔥泡椒鳳爪 不過不失 比較推介砂礓雞腳梅子排骨 本人唔係好鍾意食梅子，不過啲味餸出色👍三五知己飲支大啤一樂也🫠
繼續閱讀
🍴🍴🍴 食評 🍴🍴🍴環境好熱鬧，好多人，地踎打冷。🍜 菜式1: 冰鎮咕嚕肉 (9/10)第一道菜係冰鎮咕嚕肉，個肉好滑嫩，加埋啲酸甜嘅醬汁，真係好好食！連埋啲冰好得意😋🐟 菜式2: 冰鎮麻辣魚皮 (8/10)接著上嚟嘅係冰鎮麻辣魚皮，魚皮好脆，辣度啱啱好，好開胃！👍🍤 菜式3: 避風塘賴尿蝦 (9/10)避風塘賴尿蝦係我最鍾意嘅一道菜，賴尿蝦已經剝咗殼，啖啖肉，蝦肉咁鮮甜咁爽口，配埋啲蒜蓉同辣椒，好開胃又好好味！🤤🍚 菜式4: 生炒臘味飯 (4/10)不過，最後上嚟嘅生炒臘味飯就唔太得我心啦，飯有啲硬，臘味嘅味道唔夠，有啲失望。😔總括而言，高高餐廳嘅菜式味道唔錯，價錢亦都相對合理，但希望佢哋可以改進啲飯嘅口感，令整體食物更加完美！👌
繼續閱讀
您可能會有興趣的...