龍點心 (寶漢大廈)

營業中

休息中

銅鑼灣搵到一間有驚喜嘅點心店，叫龍點心，主打fusion風點心，食落又有香港味，又有啲新意，啱晒鍾意試新嘢嘅朋友。我哋第一時間就試咗佢哋嘅「港原味2.0燒賣拼盤」，一籠有六款唔同口味，樣樣都各有特色。XO醬帶子燒賣真係超正，XO醬鹹香微辣，帶子鮮甜彈牙，食落層次感好豐富。蘇姜馬友鹹魚燒賣就鹹香十足，鹹魚味濃但唔會搶味，好有驚喜。梅菜扣肉燒賣就真係香港味滿滿，梅菜同肥瘦分明嘅扣肉夾埋一齊，香噴噴。講到芝士鮮蝦腐皮卷，真係不得了，外層酥脆，入面蝦肉飽滿彈牙，仲有流心芝士，鹹香邪惡，食完想encore。蟹粉菠菜香蝦餃都好特別，綠色外皮晶瑩剔透，入面有菠菜同蝦肉，一啖仲咬到三文魚子，超有驚喜。最後唔可以唔提佢哋嘅蒜香骨同一口豆腐，前者外脆內嫩，蒜香撲鼻；後者椒鹽皮脆口，入面豆腐滑到溶，好滿足。