餃掂手工餃子雲吞專門店

岩岩踢完波 餓到爆 梗要食番餐勁慰勞下自己 同個波友去左餃掂 試下係咪真係咁掂先 試左三款餃子 松茸素餃超級香 又足料 本身好怕啲菇味好搶 又唔係喎 越食越香 食到停唔到 再叫多個芫茜豬肉餃 煎既 金黃色 脆得黎就唔油 呢個正 唔夠喉 叫埋個椰菜雲耳豬肉湯餃 皮厚少少 仲有咬口 有啲似北方餃子 一啖放入口 超滿足齋食餃子又好寡 叫左個酸辣雲耳 落左啲辣油又幾惹味 啲汁要黎點餃子 唔好哂 仲好食 食埋個麻辣溏心皮蛋 睇住個溏心張住對筷子 好鬼治癒 第一次黎呢度 叫到成枱都係餸先二百幾 係灣仔算好抵 又近球場 下次試埋其他餃子先 真心好食有驚喜