影片
更多
2022-09-06
758 瀏覽
一路都有食何文田top blade嘅習慣，間唔中就會去下，價錢合理之餘，flat iron嘅質素都好有保證，基本上都無伏。除左牛扒，佢嘅任食薯條都係令人忍唔住嘅。見到佢新開係沙田新城市，成件事更加吸引左。平時落何文田要等太平道車位，仲要食飽無街行，但係新城市就可以一箭雙鵰喇！個晚落去食，唔係太多人，咁岩星期一唔多人，等左一陣就有位。呢間分店比起太平道就光猛啲，行工業風多啲啲。，座位都闊落，唔會太迫。一如以為，兩個人去食，都係一個嗌牛，一個嗌豬。美國390日谷飼prime flat iron.一如以往好食，叫左medium rare, 好夠juicy，肉味濃，唔會靭，不過有啲人會覺得佢唔夠油香，不過呢個都係谷飼牛嘅肉特質。間唔中食下油香，都會想食下肉香，無咁滯。西班牙栗飼豬鞍扒我個人覺得豬比牛更加難整得好食，一嚟豬要熟，否則會有蟲，但又唔可以overcook，二來豬嘅質素係好重要。橡果養嘅豬就食得多，左栗飼嘅就相對少。我第一次係太平道食個陣係覺得驚為天人，個種肉味同鬆軟係好新奇。不過好坦白講，食左咁多次唔係次次都滿意，份量係好足，但有時太肥，有時overcook左，所以都幾撞手神。至於今
一路都有食何文田top blade嘅習慣，間唔中就會去下，價錢合理之餘，flat iron嘅質素都好有保證，基本上都無伏。除左牛扒，佢嘅任食薯條都係令人忍唔住嘅。
見到佢新開係沙田新城市，成件事更加吸引左。平時落何文田要等太平道車位，仲要食飽無街行，但係新城市就可以一箭雙鵰喇！
個晚落去食，唔係太多人，咁岩星期一唔多人，等左一陣就有位。呢間分店比起太平道就光猛啲，行工業風多啲啲。，座位都闊落，唔會太迫。
一如以為，兩個人去食，都係一個嗌牛，一個嗌豬。
美國390日谷飼prime flat iron.
一如以往好食，叫左medium rare, 好夠juicy，肉味濃，唔會靭，不過有啲人會覺得佢唔夠油香，不過呢個都係谷飼牛嘅肉特質。間唔中食下油香，都會想食下肉香，無咁滯。
西班牙栗飼豬鞍扒
我個人覺得豬比牛更加難整得好食，一嚟豬要熟，否則會有蟲，但又唔可以overcook，二來豬嘅質素係好重要。橡果養嘅豬就食得多，左栗飼嘅就相對少。我第一次係太平道食個陣係覺得驚為天人，個種肉味同鬆軟係好新奇。
不過好坦白講，食左咁多次唔係次次都滿意，份量係好足，但有時太肥，有時overcook左，所以都幾撞手神。至於今次，係合格嘅，肥瘦算適中，有grill過，食落都好juicy, 但如果早少少上到檯就更加perfect!
熱氣嘅薯條！萬惡之物！
每次食都係先嚴控叫staff出住一碟先，否則佢會跟人頭每人一碟，食到凍左就無咁好食，反正都係all u can eat fries! 即炸加黑松露鹽真係無得輸！ 有時兩個人食食下食左三碟，搞到第二日要即啪涼茶下火。
Iced dirty lemon tea / iced dirty lemonade
飲品方面，嗌左lemon系列各一杯，正正正常，個人覺得食物比飲品優勝～
張貼
