影片
更多
2024-07-24
99 瀏覽
之前都無去過大角咀Lost Stars, 今日經過fashion walk發現原來呢度都開咗間, 就入咗去🥂3000呎嘅咖啡店, 開業就快一年, 室內燈光柔和, 復古風為主, 逢星期五六/公眾假期前夕仲會有DJ駐場播放黑膠唱片, 同大角咀嗰間一樣有feel🎧🍸Signature Cocktails 店員同我講呢杯用茶杯裝住嘅Don’t Know Why by Norah Jones係熱嘅, 我覺得幾得意就嗌咗. 本身係Earl Grey茶底, 一拎嚟已經有濃香✨呢個只係佢離遠聞到嘅味, 用羹細飲第一啖嘅時候成件事更加係唔同晒. 呢杯cocktail散發住嘅係一種混合酒精同熱情果嘅甜味, 酒精吸入喉嚨嘅時候會有少少哽, 但又唔會太過份, 因為會俾隨後嘅甜茶味即刻冚過, 之後再輪到溫暖嘅cocktail進入喉嚨✨ 呢種奇妙嘅感覺, 令我一開始就已經飲咗好多啖🍖炙烤雜錦香腸拼盤平時香腸拼盤都係嗰啲德國肉腸, 呢個比較亞洲風格. Menu寫三款腸 - 糯米腸/台式香腸/韓國雜肉腸, 嚴格嚟講其實四款, 因為韓國腸仲有分辣同唔辣😂 糯米腸唔會太硬, 配芥末醬啱哂✨台灣腸除咗平時食到嘅黑椒味, 仲
🍸Signature Cocktails 店員同我講呢杯用茶杯裝住嘅Don’t Know Why by Norah Jones係熱嘅, 我覺得幾得意就嗌咗. 本身係Earl Grey茶底, 一拎嚟已經有濃香✨呢個只係佢離遠聞到嘅味, 用羹細飲第一啖嘅時候成件事更加係唔同晒. 呢杯cocktail散發住嘅係一種混合酒精同熱情果嘅甜味, 酒精吸入喉嚨嘅時候會有少少哽, 但又唔會太過份, 因為會俾隨後嘅甜茶味即刻冚過, 之後再輪到溫暖嘅cocktail進入喉嚨✨ 呢種奇妙嘅感覺, 令我一開始就已經飲咗好多啖
🍖炙烤雜錦香腸拼盤
平時香腸拼盤都係嗰啲德國肉腸, 呢個比較亞洲風格. Menu寫三款腸 - 糯米腸/台式香腸/韓國雜肉腸, 嚴格嚟講其實四款, 因為韓國腸仲有分辣同唔辣😂 糯米腸唔會太硬, 配芥末醬啱哂✨台灣腸除咗平時食到嘅黑椒味, 仲有淡淡蒜味✨最特別係韓國雜肉腸. 一開始我frd同我講辣, 但係我明明食到唔辣, 咁先知原來有兩隻味😂粉紅色嗰隻唔辣, 橙橙哋嗰隻係辣. 兩隻都勁多汁喺腸入面爆出嚟✨ 推介大家食辣嗰款, 佢有辣嗰種香味, 接觸到條脷嗰下會好似一支一支針仔喺你條脷上面拮下拮下咁, 但又唔會係辣到你想飲水嗰隻辣. 不過呢種感覺會持續一段時間🔥
🦆慢煮法國鴨腿
無論鴨髀同埋沙律都係優秀. 沙律有無花果/蜜柑/合桃同黑橄欖, 再用黑醋撈埋. 黑醋比例控制得剛好, 佢選用嘅醋唔會太酸, 喺微酸情況下會食到無花果同埋蜜柑嘅甜, 合桃增加口感✨另一方面, 淡口黑橄欖唔會搶走成個沙律嘅味. 油鴨髀更加係滿分, 餐廳將油鴨肶煎過, 令到鴨肶嘅皮下脂肪分解溶曬, 一咬落去會有一浸好香嘅油脂味✨而肉同骨根本唔使點切, 肉嫰到同骨自己分開✨我哋最建議肉同埋沙律一齊食, 因為酸嘢同脂肪嘢真係最佳combination✨
🥩燒美國黑安格斯肉眼扒(10安士)
嗌咗五成熟, 肉嫩唔韌得嚟外皮薄薄咁熟咗一層, 入面就係鮮嫩粉紅色✨值得一讚嘅係個法式伯那西醬. 個醬好重蛋香同牛油香, 仲有白酒香味. 牛扒肉本身就好軟, 加埋伯個醬一齊食成件事好smooth💆🏻♂️配菜方面有燒南瓜同薑黃椰菜花, 南瓜幾甜, 而椰菜花除咗微甜仲有薑黃嗰種香味✨
Mercury Recalls最強嘅係有自己特色. 相信除咗cocktail, 如果就咁睇佢menu, 好多其他西餐廳都會供應呢啲菜式, 問題在於喺香港千篇一律嘅西餐入面點樣做到自己獨特嘅味道. 呢一點Mercury Recalls就做得到, 值得返食🫡
💛個人必食推介: cocktail, 慢煮法國鴨腿, 安格斯肉眼扒
返食指數: 🥑🥑🥑🥑(5🥑滿分)
@mercury.recalls
#DontKnowWhybyNorahJones ($148)
#炙烤雜錦香腸拼盤 ($148)
#慢煮法國鴨腿 ($298)
#燒美國黑安格斯肉眼扒 ($368)
______________________________
📍 Mercury Recalls by Lost Stars (銅鑼灣)
銅鑼灣百德新街51號華爾大廈地下A號舖
#instafood #Instafoodie #foodiegram #drinkdrinkeateatuide #drinkdrinkeateatguy #百德新街 #希慎廣場 #hysanplace #銅鑼灣 #銅鑼灣美食 #食好西 #DE港島篇
張貼
