十和田總本店

營業中

休息中

同好朋友提早慶祝聖誕節，聖誕節唔一定食西餐，今次我哋食壽司，同事介紹尖沙咀金馬倫道十和田，尖沙咀地鐵站b出口行五分鐘就到，地點非常方便，星期一食飯時間餐廳已經一半滿坐，入到去服務員介紹落單係用高科技平板電腦落單，唔好出錯，又可以慳返人手，仲要有圖有真相添，叫左最喜歡嘅火炙三味壽司$78，有吞拿魚壽司、三文魚壽司及左口魚邊壽司，均有燒過嘅焦香魚油味，尤其是個左口魚邊，邊燒得少少香脆，好惹味，貪方便嘅我，選擇超特選壽司拼盤配蒸蛋及味噌湯，蛋滑身，好特別蒸蛋裏邊有白果$288，壽司拼盤樣樣有啲，唔使諗，推介海膽同三文魚子，馬糞海膽好新鮮又鮮甜，回味無窮，而且大粒魚子非常美味，還有新鮮蟹棒，非常軟綿綿及鮮甜蟹肉味，大粒魚子實在太好味，赤貝刺身三片$48，爽口鲜美，另一個叫左海鮮丼$198，份量幾大及非常足料，材料包括有馬糞海膽、大魚子、帆立貝、玉子、粉嫩吞拿魚蓉及大大隻既牡丹蝦等，滿足既一碗刺身丼，非常新鮮回味無窮點少得叫吉列生蠔$38，有四隻，炸🉐香脆，而且生蠔鮮甜多汁，侍應亦服務殷勤細心！