Cuisine Culture

營業中

休息中

Item: Cuisine Culture
Rating: 5
Author: Picky Couple

4.5

762 食評

味道

環境

服務

衛生

抵食

24712

中環

$201-400

法國菜西式私房菜咪嘥嘢食店

701

資訊:
餐廳:	Cuisine Culture

為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。

詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign

Picky Couple

等級4

2.1K

餐廳：Cuisine Culture地點：中環德己立街蘭桂芳附近菜式：法國菜餐牌：有多款前菜，兩款湯，幾款沙律，多道主菜，幾道意粉，甜品同飲品選擇。紅白酒啤酒汽水買一送一。價錢中環黎講唔貴。法式焗蝸牛 $108法式焗蝸牛係法國名菜，當然要食。連殼蝸牛一客六件，用長碟上枱，伴有薯蓉，面頭加上橄欖油。味道口感方面，係好有我地多年前去巴黎食蝸牛既感覺，質感淋身，而味道係濃濃醬汁味，呢度用青醬同橄欖油，醬汁味夠而唔會過火。焗法式地道古也芝士洋蔥湯 $88洋蔥湯熱辣辣上枱。湯水呈啡色，洋蔥㷛到腍哂，甜味出嗮黎，好飲。入面有好多拉絲芝士，癡住嗮隻羮。湯面頭有一大塊麵包，麵包伴有唔少芝士，上面灑上香草，塊包吸左d湯好淋身，飽肚呀。慢火煮紅酒和牛面肉配法包 $288慢火煮紅酒和牛面肉用咗一隻長兜上枱，舊舊都厚切大大舊，大概有六件，炆到腍哂，又有肉汁，有筋所以食落口感重膠質，啖啖肉好滿足，而個汁好夠味，酒味唔會太重。配料仲有車厘茄，蘑菇，酸片同紅蘿蔔粒。另配兩塊法包比你點汁食。香蒜牛肝菌意粉 $158香蒜牛肝菌意粉熱辣辣上枱，未食先聞到好香菌香味。意粉係幼身spaghetti，整到al dente質感，

餐廳：Cuisine Culture
地點：中環德己立街蘭桂芳附近
菜式：法國菜
餐牌：有多款前菜，兩款湯，幾款沙律，多道主菜，幾道意粉，甜品同飲品選擇。紅白酒啤酒汽水買一送一。價錢中環黎講唔貴。

法式焗蝸牛 $108

法式焗蝸牛係法國名菜，當然要食。連殼蝸牛一客六件，用長碟上枱，伴有薯蓉，面頭加上橄欖油。味道口感方面，係好有我地多年前去巴黎食蝸牛既感覺，質感淋身，而味道係濃濃醬汁味，呢度用青醬同橄欖油，醬汁味夠而唔會過火。

焗法式地道古也芝士洋蔥湯 $88

洋蔥湯熱辣辣上枱。湯水呈啡色，洋蔥㷛到腍哂，甜味出嗮黎，好飲。入面有好多拉絲芝士，癡住嗮隻羮。湯面頭有一大塊麵包，麵包伴有唔少芝士，上面灑上香草，塊包吸左d湯好淋身，飽肚呀。

慢火煮紅酒和牛面肉配法包 $288

慢火煮紅酒和牛面肉用咗一隻長兜上枱，舊舊都厚切大大舊，大概有六件，炆到腍哂，又有肉汁，有筋所以食落口感重膠質，啖啖肉好滿足，而個汁好夠味，酒味唔會太重。配料仲有車厘茄，蘑菇，酸片同紅蘿蔔粒。另配兩塊法包比你點汁食。

香蒜牛肝菌意粉 $158
香蒜牛肝菌意粉熱辣辣上枱，未食先聞到好香菌香味。意粉係幼身spaghetti，整到al dente質感，而且非常滑溜。味道方面係簡單橄欖油味，夠味又唔會太濃。牛肝菌份量都唔少，口感又滑又腍，本身有一種特別香味，口感就少少似肥膏。加左唔少蒜片，帶黎多一重味道，最後灑上香草。呢道意粉好味道，食完齒頰留香。