六両三.台灣食堂

營業中

休息中

今個weekend行觀塘就隨心入到呢間台灣餐廳，無諗過煲仔飯同小食都好出色！staff亦好nice好caring!🍀是日點餐🍀蔬菜養生鍋套餐(💰164)鍾意呢種有住家feel嘅湯底，健康啲唔會有一大浸味精味，番茄清湯配上美國牛頸脊已經好好食，啲牛油夠嫩！其他配料同一般火鍋差唔多，勝在足料，性價比高！主食方面，我地揀左關廟麵，似上海麵，但夠彈牙，幾好食！｜👅: 4.6/5三杯雞煲仔飯(💰208)真係好出色，原煲熱辣辣上枱，三杯雞嘅顏色配搭鮮豔，令人食慾大增。雞肉香嫩入味，配合埋三杯雞嘅靈魂—九層塔，豉油一淋，認真香爆，仲好有滿足感。而煲仔飯底有飯焦，非常香脆，估唔到觀塘都有咁出色嘅煲仔飯，推薦！而且跟餐仲送滷肉青菜同炸花枝丸，無諗過都超高質，青菜夠新鮮，花枝丸好香！｜👅: 5/5凉拌麻辣豬大腸(💰38)其實唔會太辣，但超惹味！有啲唔健康但算啦，忍唔住食曬｜👅: 4/5PS 兩個主食都送嘢飲，我地揀左仙草奶綠同粒粒西柚冷萃茶，非常抵食，質素中上。