影片
更多
2024-06-01
126 瀏覽
今日星期閒日同個friend去咗食打邊爐放題，坐得舒服，就算隔離2人位都好闊落，幾個朋友嚟食，一邊打邊爐一邊傾計就啱哂。呢度湯底有6款選擇，簡左清酒味噌卜卜蜆湯底，味道啱啱好，食得出味噌同蜆嘅海鮮味但又唔會太咸太濃味，湯底本身都有唔少蜆，小編同朋友仔每人都食左10幾隻。去到野食方面，丸類同蔬菜都係自己出去夾，想食咩就夾咩，啱哂心急人士，另外抵讚就係佢提供一人一個兜去裝野食，人多都唔使爭。基本嘅肉丸款都齊，而且質素唔錯。蔬菜除左有基本嘅娃娃菜，生菜同金針菇，萵筍。飲品方面有汽水飲品同幾款茶類飲品，而且仲有啲熱茶同茶包俾你自己沖，如果食肉得太飽，飲杯茶解下膩都係唔錯嘅選擇。叫得肉蒲團重點梗係食肉啦，今日係食set C嘅套餐，係可以任食A4和牛。封門柳係薄切所以一放落個鍋度5秒就食得，口感比較鬆軟，牛味唔太突出。A4牛肩胛比較厚身，纖維感比較明顯，有咬口但唔會好韌，好有食肉嘅滿足感。而A4牛胸片同後腿肉都係正常嘅和牛片，口感軟有油脂感。M5和牛睇落雖然啲雪花無咁靚，但食落都係軟嫩有油脂嘅香味。一讚個豬肉片口感軟熟小小爽口，唔會有奇怪嘅豬臭味，幾唔錯。海鮮方面，因為前面已經食到飽飽地，咁小編就
呢度湯底有6款選擇，簡左清酒味噌卜卜蜆湯底，味道啱啱好，食得出味噌同蜆嘅海鮮味但又唔會太咸太濃味，湯底本身都有唔少蜆，小編同朋友仔每人都食左10幾隻。
去到野食方面，丸類同蔬菜都係自己出去夾，想食咩就夾咩，啱哂心急人士，另外抵讚就係佢提供一人一個兜去裝野食，人多都唔使爭。基本嘅肉丸款都齊，而且質素唔錯。蔬菜除左有基本嘅娃娃菜，生菜同金針菇，萵筍。
飲品方面有汽水飲品同幾款茶類飲品，而且仲有啲熱茶同茶包俾你自己沖，如果食肉得太飽，飲杯茶解下膩都係唔錯嘅選擇。
叫得肉蒲團重點梗係食肉啦，今日係食set C嘅套餐，係可以任食A4和牛。封門柳係薄切所以一放落個鍋度5秒就食得，口感比較鬆軟，牛味唔太突出。A4牛肩胛比較厚身，纖維感比較明顯，有咬口但唔會好韌，好有食肉嘅滿足感。而A4牛胸片同後腿肉都係正常嘅和牛片，口感軟有油脂感。M5和牛睇落雖然啲雪花無咁靚，但食落都係軟嫩有油脂嘅香味。一讚個豬肉片口感軟熟小小爽口，唔會有奇怪嘅豬臭味，幾唔錯。
海鮮方面，因為前面已經食到飽飽地，咁小編就淨係叫左蝦，食得出係新鮮彈牙，而且每隻蝦都有枝竹籤串住，搣殼都好方便，完全唔洗整污糟手就有得食。
主食方面除咗有打邊爐必備嘅出前一丁之外，呢度仲有辛拉麵，都算比較少見。
調味方面呢度可以話一應俱全，新鮮蒜蓉、炸蒜、蔥粒、辣椒、芫茜呢啲講得出嘅全部都有齊哂，任你自由發揮。
雖然呢度啲小食唔算好多，但勝在全部都好夠熱，麥樂雞，薯角都係脆卜卜嘅。
張貼
