影片
港鐵旺角站 E2 出口, 步行約5分鐘
繼續閱讀
電話號碼
93513394
開飯介紹
餐廳鄰近家樂坊，交通方便；按肉類及海鮮設有不同價位的任食火鍋套餐，另於自助食品區有自選肉類、蔬菜及飮品等選擇，適合和家人或朋友聚會。
繼續閱讀
營業時間
今日營業
11:30 - 16:00
17:00 - 23:30
星期一至日
11:30 - 16:00
17:00 - 23:30
公眾假期
11:30 - 16:00
17:00 - 23:30
公眾假期前夕
11:30 - 16:00
17:00 - 23:30
以上資料只供參考, 請與餐廳確認詳情
有關獎賞計劃
相關文章
一班友聚會就會好想搵d無限時既餐廳仲加埋打邊爐就真係岩晒心水今日食既係Set C, 有勁多唔同款式/部位既牛牛然後仲有豬肉, 雞肉, 海鮮, 餃子, 麵可以用QR CODE叫雖然QR CODE裡面選擇唔係好多但自助區就有超多款式既炸物, 飲品, 菜, 丸..ETC唔算細食既我都無辦法每一樣試晒, 精選左幾款特別有記憶點的首先係藥膳花雕醉雞湯底隨湯底附上左一壺酒以及1/3隻雞壺酒係覺得唔夠濃時可以調味, 諗都唔諗就成壺放晒了! 鍾意酒味濃既朋友都覺得味道好正雞件厚肉, 煮耐左都無柴試晒咁多款牛牛之後, 以下幾款係必試A4和牛牛胸片呢個斉位相當刁鑽脂肪量較低但分散所以油花紋理較粗獷, 口感彈牙有嚼勁美國安格斯牛板腱屬於稀有部位, 平均一隻牛只可以取出約2公斤最明顯嘅特徵係扒中間有一條透明肉筋, 牛味相當濃郁美國安格斯牛背峰即係肉眼蓋,牛肉眼上面嫩滑既部位油花分布細緻綿密, 入口油香較重牛骨髓簡直係膠原蛋白放題, 咬落去有D似啫喱, 非常軟綿而且係無任何內臟異味海鮮有黑魚片, 虎蝦, 北吉廣島蠔黑魚片嫩滑到有D似酸菜魚蝦同蠔係合理尺寸兩款都有鮮味台灣阿給拎黎打邊爐夠晒特別油豆腐外皮包住既係豬肉, 魚漿, 粉絲同木耳油豆腐皮吸晒醉雞湯, 直接成個變左小籠包咁, 勁多汁爆發飲品方面有紅豆薏仁水, 冬瓜茶同唔少特色選擇唔太甜, 飲完都無咩罪疚感又有QUOTA食多D!
繼續閱讀
今次朋友生日，一大班人慶祝又想坐耐啲就會揀任食，見到旺角呢間火鍋餐廳好多好評就決定嚟試下呢度有三個套餐，生日主角話要揀Set B，中價位又有好多唔同牛肉部位可以揀。套餐已經包咗出面自助嘅小菜同埋炸物（薯條，麥樂雞，燒賣，春卷等），食住嚟等邊爐煮熟，質素唔錯，麻辣小菜好似雲耳同青瓜最岩我口味，不過要留肚打邊爐，拎左唔少嘅炸魚皮同響鈴，期待。湯底都有好多選擇我哋就揀咗呢個藥膳花雕醉雞鍋，鍋已經配有雞件，食落嫩嫩又夠香，啖啖肉好好食。之後落單嘅食材就準備好喇，我哋首先有嗌咗唔同部位嘅牛肉嚟試下邊款最好味，當然每人都有唔同喜好啦，油脂多啲，牛味重啲定係個肉紮實啲，我就鐘意安格斯牛背峰！另外連一啲比較特別嘅牛肉部位例如牛骨髓都有。另一回本食物緊係海鮮啦，越南虎蝦，蠔，魚片等等都好新鮮整體食物都好有質素，cp值10足，雖然甜品唔係任食，但餐廳提供嘅雪糕同蛋糕味道仲好味，反正咁飽，食好食嘅仲好，會推薦！
繼續閱讀
去咗呢間位於旺角嘅肉蒲團火鍋放題，揀咗花雕醉雞湯，湯底非常濃郁，陣陣酒香，之後加埋再加雞入去熬湯。放題可以揀好多唔同部位嘅肉類，特別推介A4和牛後腿肉、和牛肩胛肉眼，同埋和牛牛胸片肉，肉質非常靚，雪花分布均勻，肉味濃郁。虎蝦，非常大隻單啊，肉質新鮮甜美。牛滑亦都十分推薦，肉味非常濃郁，肉質非常單牙，n call 再 n call!台湾10級，味道都非常特別，外面係香滑彈牙嘅魚蛋感，入面就有豬肉、粉絲撈埋香料嘅香滑口感。餐廳蔬菜、丸類亦都非常之多選擇。夾咗好多新鮮嘅菠菜、豆苗、萵筍、爽脆牛柏葉、墨汁墨魚丸等等。最後餐廳送埋一人一杯嘅Häagen-Dazs雪糕，圓滿美味嘅一餐。
繼續閱讀
而家好多火鍋放題都限時兩個鐘，加鐘要再加錢，竟然畀我見到旺角呢間火鍋放題冇限時😍即刻搵fd試下佢得唔得~放題有三個set包唔同部位牛肉，我地揀左中間價位嘅Set B($298一位)，肉類主要包左任食五個部位嘅牛肉、雞腿肉、豬五花、蝦等，用QR code落單，其餘配料及飲品就係自己出去拎。湯底有胡椒豬肚、清酒蜆、蕃茄、藥膳等五六款左右，我地就揀左日式壽喜燒。飲品嘅選擇多，汽水、茶、涼茶、啤酒都係任飲。旁邊仲有茶包熱水、薯條涼拌青瓜等熟食。調味區。其他火鍋配料有蔬菜、豆製品、菇類、腸丸類，款式都足夠有餘。呢張影得唔係幾好😂，被人拎到咁上下嘅配料轉頭都會有職員添加。有一款魚蛋係入面包住咖喱汁我覺得幾特別！我哋每款牛都點左一份試試，set b可以點澳洲M5和牛肩胛、牛背峰、牛板鍵、薄切門柳、牛五花腩。一份就係以上嘅份量，每人每款兩三片唔會太多，不妨第一round試下各款肉類。第一次食火鍋薄切封門柳，牛肉味係最濃，因為比較薄所以佢會偏細份，可以點多幾份。我地最鍾意食牛背峰，油花夠肉又嫩，完全唔韌好啱打邊爐。牛板腱都好食，有多啲咬口、肉味濃、唔韌。壽喜燒湯底越滾越甜。特別推介相中嘅牛滑，出面未見過，彈牙而且肉味鮮甜，有啲似牛肉丸，都係要QR code落單。充滿肉味濃郁湯底配上一個辛辣麵就係完美嘅邊爐。最後職員送上一人一個是日甜品雪糕。見之前有啲食評有時有蛋糕，可能每日唔同。今次搵到間好唔錯嘅火鍋，無限時嚟講唔貴，又啤酒任飲加食物質素不錯，下次可以約埋大班朋友encore！
繼續閱讀
同朋友聚餐暢談食放題是一個不錯的選擇，而無限時更加是最適合的，朋友推介肉蒲團火鍋無限時放題，於是試一試。餐廳面積都大用了很多電影漫畫作裝飾，餐廳提供三款唔同價錢的set餐主要是根據牛肉質素同食物嘅種類，用QR code落單主要是set餐內的肉類、海鮮、餃子。自助區有各種蔬菜和丸類，有四款小食兩款冷盤和一款糖水，即食麵出前一丁、辛辣麵，我們選了set B中間價，有澳洲M5和牛肩胛、美國安格斯牛背峰、美國安格斯牛板腱、薄切封門柳、牛五花腩、豬梅肉、牛骨髓、牛滑、越南虎蝦等。湯底我們選了清酒味增卜卜蜆湯，味噌有少少喊有一瓶小清酒畀我們自己調教味道用，我們將一瓶清酒倒曬落湯底中，湯底喊度即時減退了不小，而卜卜蜆份量也不少有一碗之多。牛五花腩油花和瘦肉之間會有明顯隔層，口感層次豐富牛背峰油脂花紋分佈均勻，肉質嫩滑豬梅肉脂肪小肉質較淋一啲都唔鞋口封門柳肉質嫩滑牛肉味濃牛板腱脂肪小肉質口感酥脆澳洲M5和牛肉質有豐富口感彈牙牛骨髓食落滑嘟嘟充滿骨膠原而蔬菜類我最喜歡食翡翠苗，煮熟後仍然保持爽脆鮮甜好味越南虎蝦虎蝦很新鮮很大隻，食落很爽口
繼續閱讀