影片
更多
2025-03-14
2651 瀏覽
沙田帝都酒店3樓嘅呢間The Palate Buffet 柏麗廳，經常有唔同主題嘅自助餐，最近仲做緊優惠，開咗一段時間，一直都保持住高水準嘅自助餐服務，嘢食可以話係非常豐富同埋夠誠意～🐷 即開美國生蠔🦪
隻隻生蠔都係鬼咁大隻，好新鮮，口感唔錯，而且即叫即開，食得放心～🐷 冰鎮海鮮山🦀🦞
呢度海鮮嘅種類都幾多下～蟹腳、蜆、龍蝦、海蝦等，小編見到龍蝦一出，個個都行出去，我都唔執輸！龍蝦肉夠晒厚肉又爽口、多膏，蟹腳肥美，仲有好多工具俾大家攞返去個位度食蟹，非常貼心～🐷 即場烹煮🇯🇵日本和牛
和牛鐵板薄燒、塩麴燒等等，睇住啲師傅整都覺得好正，等候嘅時間已經聞到好香牛味，而且可以不停食～對食肉獸而言係一大福音！🐷 香煎芝士和牛漢堡
好少何喺自助餐嘅場合見到和牛漢堡喎！睇住師傅整，整好之後即刻攞返個位度食，熱辣辣，都幾Juicy～🐷 北海道白樺豚壽喜燒🥩
豚肉嘅口感唔錯，而且都係即叫即煮，醬油嘅味道甜甜地，幾好味架～🐷 一品鍋
一個一品鍋裏面就有齊鮑魚、花膠、冬菇、海參呢啲海味，而且個調味都好唔錯！個汁係正到小編想偷偷地攞返屋企攞嚟撈飯食！！🤣🐷 前菜 / 頭盤
爭啲唔記得講前菜添！有好多款唔同嘅
🐷 即開美國生蠔🦪 隻隻生蠔都係鬼咁大隻，好新鮮，口感唔錯，而且即叫即開，食得放心～
🐷 冰鎮海鮮山🦀🦞 呢度海鮮嘅種類都幾多下～蟹腳、蜆、龍蝦、海蝦等，小編見到龍蝦一出，個個都行出去，我都唔執輸！龍蝦肉夠晒厚肉又爽口、多膏，蟹腳肥美，仲有好多工具俾大家攞返去個位度食蟹，非常貼心～
🐷 即場烹煮🇯🇵日本和牛 和牛鐵板薄燒、塩麴燒等等，睇住啲師傅整都覺得好正，等候嘅時間已經聞到好香牛味，而且可以不停食～對食肉獸而言係一大福音！
🐷 香煎芝士和牛漢堡 好少何喺自助餐嘅場合見到和牛漢堡喎！睇住師傅整，整好之後即刻攞返個位度食，熱辣辣，都幾Juicy～
🐷 北海道白樺豚壽喜燒🥩 豚肉嘅口感唔錯，而且都係即叫即煮，醬油嘅味道甜甜地，幾好味架～
🐷 一品鍋 一個一品鍋裏面就有齊鮑魚、花膠、冬菇、海參呢啲海味，而且個調味都好唔錯！個汁係正到小編想偷偷地攞返屋企攞嚟撈飯食！！🤣
🐷 前菜 / 頭盤 爭啲唔記得講前菜添！有好多款唔同嘅沙律、芝士、火腿，點樣配搭都得！！小編最鍾意食火腿包哈密瓜，食咗起碼五嚿。。。然後佢哋有幾款好精緻嘅撻仔，小編會話四款都好食！！真心值得每款都試吓～
🐷 刺身壽司 刺身嘅選擇還好，冇話超級多，小編就真係不停食佢哋嘅八爪魚、三文魚同埋帶子，勝在夠新鮮～！
壽司嘅選擇就多好多，而且佢哋個擺盤擺得好靚，成個壽司Corner勁有心思設計！仲要都Fill得幾快下～
🐷 熱盤 熱盤有超級多選擇，最驚訝嘅竟然係有豬腳薑！冇諗過嚟食自助餐都有得食豬腳薑喎～佢哋豬腳薑又真係幾入味，同埋啲豬腳好似骨膠原滿滿咁勁厚肉～（唔係脂肪嗰種）
然後仲有紅油炒手，裏面蝦肉出奇地幾爽口～
青口嘅煮法亦都係非常特別，竟然有士多啤梨喺個煲裏面，但係食落去個味道又真係幾夾，個汁係甜甜地嘅～
仲有經典嘅卡邦尼意粉、鴨肝和牛炒飯等等，總有一款啱你食～
🐷 甜品 出面有幾十款甜品可以選擇，包括唔同嘅蛋糕、撻、大福、啫喱、曲奇、糕點等～小編都幾鍾意食佢哋個藍莓芝士撻，不過食太飽真係食唔落咁多嘅蛋糕啦～
仲有Movenpick嘅雪糕同埋Bulla雪條任食！
🐷 畫碟 朱古力 心太軟🍫 除此之外，最正嘅就係佢哋嘅朱古力心太軟～大家可以自己寫低想寫嘅句子交俾師傅，師傅除咗寫之外，仲要幫大家畫公仔，真心非常有心機啊！師傅仲畫咗隻chiikawa嘅usagi比我！！
🐷 飲品 飲品方面有多款經典嘅奶茶咖啡，仲有好多款唔同嘅茶，例如白桃烏龍茶、柑橘檸檬綠茶等等～似乎呢度都非常了解而家我哋最鍾意飲嘅嘢！！
除此之外，仲有紅白餐酒、起泡酒、日本Sake等！
🐷 Cocktail Station🍹 調酒師會推住架車仔出嚟即場調製Cocktail同Mocktail～如果大家唔飲酒嘅話，仲可以選擇飲其他～啱啱煲好嘅綠茶牛奶真係好啱呢個天氣飲，暖笠笠甜甜地咁樣～
張貼
