影片
更多
2023-04-04
28 瀏覽
今次黎到港島區揾食，筲箕灣既東大街出名多好嘢食，依間「四川重口味」聽個名就知係食川菜。平時去食川菜最怕係地方油淋淋唔乾淨，反而今次依間都算乾淨企理，CP值都幾高下。「古法牛栢葉」($69)：牛柏葉夠大舊，食落嘅味道好似平時涼拌青瓜涼拌既味道，酸酸辣辣再加埋蒜味，非常惹味，係CP值極高既一碟前菜。「麻辣魷魚鬚」($98)：個人強烈推介，因為本身自己就已經好中意食魷魚鬚，成碟夠香麻辣味之餘，最中意係佢地用左大量既孜然粉，魷魚又夠咬口。「招牌酸菜魚（桂花魚）」($268)：叫之前問定姐姐啲魚肉有冇骨，姐姐話啲魚起哂骨就放心叫黎食。酸菜魚既魚肉夠鮮嫩啖啖肉，湯既味道都煮得岩岩好，唔會太過酸，食完魚再食酸菜再飲埋個湯令人想繼續食落去😆「蒜蓉大淡蝦」($78)：驚食完好大陣味既話就唔好叫黎食啦，因為蒜蓉香味十足，好似一兜兜蒜蓉放入口食咁🤤蝦就不過不失，唔算太大隻，但蒜蓉味完全係成個菜式既精髓。
「古法牛栢葉」($69)：牛柏葉夠大舊，食落嘅味道好似平時涼拌青瓜涼拌既味道，酸酸辣辣再加埋蒜味，非常惹味，係CP值極高既一碟前菜。
「麻辣魷魚鬚」($98)：個人強烈推介，因為本身自己就已經好中意食魷魚鬚，成碟夠香麻辣味之餘，最中意係佢地用左大量既孜然粉，魷魚又夠咬口。
「招牌酸菜魚（桂花魚）」($268)：叫之前問定姐姐啲魚肉有冇骨，姐姐話啲魚起哂骨就放心叫黎食。酸菜魚既魚肉夠鮮嫩啖啖肉，湯既味道都煮得岩岩好，唔會太過酸，食完魚再食酸菜再飲埋個湯令人想繼續食落去😆
「蒜蓉大淡蝦」($78)：驚食完好大陣味既話就唔好叫黎食啦，因為蒜蓉香味十足，好似一兜兜蒜蓉放入口食咁🤤蝦就不過不失，唔算太大隻，但蒜蓉味完全係成個菜式既精髓。
張貼
