四川重口味

營業中

休息中

今日要請朋友食飯，答謝朋友幫忙，選擇咗一間重口味的餐廳！這間餐廳名字的確好吸引人。東區這邊冇乜嘢好選擇！喺OpenRice搵到佢。我哋一共有四個人，叫咗雞煲和一啲打邊爐的菜。佢呢一間舖最抵死嘅係可以有四川炒餸，餸菜款式都算好多，食完飯仲可以有甜品，不過冇影相。今日係星期五晚，其實都幾多人，好彩唔使排隊，佢哋有兩層，樓上有好多位置，其實都幾舒服，因為佢擺枱唔多，好多空位可以有自己私人空間，下次傾偈聚會都可以再嚟！yeah

上星期去過深水埗，食過呢間嘢！個名叫做重口味好容易記！今日去咗筲箕灣搵朋友，經過東大街發現個名同佢哋一樣，都係叫做重口味，裝修靚好多。問吓職員原來係同一個集團，反正都要食午飯，就試吓會唔會有唔同味道。叫咗一個口水雞午餐，要求要走地雞少少辣😅，雞嘅肉質比平時食的有少少好感，雞皮比較爽，少少辣完全冇將雞嘅味道搶走，味道非常適中，會太鹹唔會太辣，份量真係好大碟，食晒啲飯都未食得完啲雞。究竟老闆有冇錢賺㗎？總結味道同深水埗統一，分店都keep得住！

最近和朋友揸車去筲箕灣東大街食飯，因朋友比較鍾意食辣，所以我哋搵咗間專做川菜的重口味。在外邊睇鋪面光猛，入到去環境衛生可以接受，侍應們都忙着工作，重開始找人落單到落完單大概3-5分鐘，可以接受。一共叫了三個菜，孜然菜花，辣子雞，回鍋肉。最好食係辣子雞，雞肉新鮮，炒出嚟嘅味道在重口味嘅預期下也可以接受，回鍋肉嘅豬肉唔算肥，菜花呢，啲油亦唔算多，剛剛好，總體辣度適中，而且也可以揀辣度，比在國內食嘅川菜清淡和少油。

叫左酸菜魚 （鯛魚），真心第一次食到咁彈牙嘅魚。系彈到唔太正常！？仲要好重味精另外仲叫咗個紅糖糍粑 六條$48，都唔似糍粑！裏面唔煙韌，仲好黐牙，外面好脆系硬嘅脆！紅糖系好稀嘅紅糖漿…

食品質素係可以接受嘅。但店員態度主宰咗一間食店嘅命脈，作為一個食客，我入舖前唔會知你心情好唔好，我出於好意為免小孩搗蛋，反而比店員怪我唔調位，未開始食已經比個阿姐激到無心情食⋯⋯下次唔會再幫襯🤬

6月29日週六晚訂台食飯，八個人order左豆腐魚湯（不錯），菜花鹹肉（好好，送飯一流），蔥爆牛肉（牛肉明顯有鬆肉粉味，不必嘗試）蟲草花豬肚雞煲（還可以，雞肉偏少又切得偏，細），麻辣魷魚須 （性價比差，不值）麻辣田雞（性價比差，肉質偏幹），炒蒜蓉油麥菜（OK）以上菜款都不是什麼大問題，最大問題是最後上台的海鱸魚（248蚊）唔新鮮，肉質老且柴，奉勸各位千奇唔好叫。買單1367連加一。尼間餐廳，兩個字形容，麻麻。我個人就應該不會再去。

看到 四川 重口味這幾個字, 真心認為好得. 叫了以下的菜:炒蒿筍:味道不錯， 但炒得不夠爽水晶粉:  正常炒粉， 味道一般酸菜魚:魚身好"林", 味道好水, 豬肚雞煲 : 淡而無味, 雞份量不多,很瘦, 浪費了200元食得唔飽, 但真是伏了, 不敢再叫其他食. 

40分叫雲吞雞和水煮牛肉到了05分發現時間太少立刻催單，但他只回應一句：等吓咪有囉，信唔信幫你加料啊？我立刻呆了，然後我選擇忍我問他是否可以送飲品，他說叫自己攞我冇問題攞了一杯王老吉到了20分才送到了雲吞雞和水煮牛肉，當結帳的時候他說王老吉不是飲料。居然收我$15但他的門口貼了學生優惠午市免費送飲品。因為時間不足我沒有跟他計較，但他我結帳後離開的時候發現隔籬座位也叫了王老吉，但他免費，他是不是對人不對事？以後不會再去幫襯。

今日同三五知己去咗間話題滿滿嘅四川料理店食飯，講真，個環境啱晒拍照，啱晒打卡📸。食物上嚟，先嚟個開胃招牌，麻辣豬肚絲，好唔錯！豬肚切得細細條，味道夠晒麻夠晒辣，入口即溶，生津解膩。跟手上咗個白灼蝦，新鮮彈牙，沾下生抽蔥油，簡直正到跳起🐟！中間點咗碟四川泡菜，酸酸地，咸香得嚟唔會好重口，食落好過癮。最啱友伴食嘅就係家傳豆花雞丼，飯面層層雞肉同豆花，香滑可口，辣味同鮮味融合得剛剛好。幾碗仲要夾雜住珍珠粒粒，啖啖食都得到驚喜感🤤。最後甜品一轉性格，是日限定嘅爆漿巧克力球，外皮脆口，裡面熱辣辣嘅巧克力流得满口～總括嚟講，今次嘅食飯體驗，實在係正過蝦碌👍！

朋友相約食飯推介了這間，兩個人胃口細，只點了四川騰龍雞煲半隻🐓大盤椰菜花🌳甜品紅豆燒仙草🍯埋單$284💰價錢不貴，味道不錯😋唯一擔心的是這麼重口味，對於味精敏感的我，怕是要狂灌水😅當晚順利過關，沒有口渴出現👌第二晚心思思想再食，便點了外賣，說了半小時取，果然很準時就出餐👍喜歡萵荀爽口，配腊肉很是惹味😋魷魚須偏少，也比較細條，點了小辣，辣度剛剛好🥵酸菜不酸，豬肚切成絲欠咬口，味道不甚出色，試過就可😬雖然外賣這晚不怎樣出色，但仍是想試其他菜式🤭p.s. 外賣滿$100有9折 (8/11/2023 update)

「重口味」係我返工同事嘅新寵！佢地嘅酸菜魚，叫你酸爽到跳起，我估計係用鯇魚來做，好似打邊爐用嘅鯇魚咁好味！酸菜炒大腸，洗得都好乾淨，可惜酸菜味唔算非常之濃郁。蔥油雞，蔥油香氣可以撲鼻叫你心醉。豆角炒肉碎，豆角同肉碎嘅組合，好似戀愛咁平衡！呢度嘅食物唔止好味，份量仲好足夠！而且，平均消費只係60幾蚊，比起啲貴鬼餐廳，真係吸引人啊！如果你係個重口味嘅人，唔嚟「重口味」真係你食錯咗口味！快啲嚟試下啦，我相信你一試難忘！

之前曾經去土瓜灣試過一間叫『重口味』嘅街坊四川料理店估唔到原來屋企附近都開咗間喎😍緊係即刻捉老公一齊黎食啦～仲要做緊酸菜魚周年優惠 $98 一大盤真心好抵呀！🐱招牌酸菜魚 $98 ✨大推✨如果要跟大陸嘅酸菜魚相比就點都仲差啲架喇但係如果以香港嘅四川料理店黎講呢度嘅魚塊去晒骨又唔會腥味道亦都酸鹹度適中湯夠香帶點微辣以呢個價錢食到咁嘅質素，性價比高🐱川北涼粉 $42涼粉煙韌彈牙，係我同老公都中意嘅口感🐱蒜香大蝦 $78一碟有3隻，非常入味食到🐱涼拌土豆絲 $42土豆絲炒得剛剛好，唔會太淋夠爽口🐱黃金皮蛋 $40黃金皮蛋係每次食四川料理必點相比土瓜灣店這分店嘅黃金皮蛋更出色🐱大盆蓮藕 $72蓮藕又係我嘅最愛，必點！
兩個人點咗咁多野食都只係$409（已包加一服務費）份量多到食唔晒要打包拎走真係抵到傻！ 推介筲箕灣友真係可以試吓

楂車盪失路，經過又餓所以就試試👅虎皮尖椒🌶️…爽脆辣.越辣越想食😁酸菜魚🐟叫左小辣…正常水平.冇太特別🫡酸梅湯…有驚喜.好飲.我飲左兩大杯🤪早知叫一渣🙏🏽

筲箕灣東大街出名多好野食😋 因為喺附近做嘢 所以差唔多都試過晒 但係行到盡頭 原來仲有一間開咗業13年嘅四川餐廳 標榜重口味 啱晒我哋呀🌶️ 入到去未睇餐牌 就聽到周圍大叫好辣嘅聲音 但係對於我哋無辣不歡嘅人黎講 就十分期待😍🔅重口味極品雞煲（半隻） $158雞煲嘅口味有好多款 有辣有唔辣 我哋揀咗最重口味嘅極品小辣雞煲🐥用電磁爐一路滾住 香味傳遍全間店 有騰龍朝花椒指天椒 同埋好多香料 唔會只有死辣 辣之餘一點麻 雞肉入晒味肉多又滑 兩個人都夠食🔥🔅招牌酸菜魚 $98因為開業13周年 所以酸菜魚做緊特價 去到9月30日都係賣$98 超級抵‼️ 唔同平時食開嘅酸菜魚 佢係用咗脆鯛魚 有啲似平時打邊爐食過嘅脆肉鯇魚 質感係好彈牙好脆 🐠 個湯夠辣又夠酸 有好多酸菜同埋香料 辣椒 仲飲到魚嘅酸甜味 而且佢雖然做緊特價 份量係同平時一樣 所以真係必點 👍🏻🔅涼拌萵筍絲 $52呢個我哋揀咗唔辣 口感非常清爽 仲有啲解辣作用 份量都唔錯 🥒🔅桃膠冰粉 $28冰粉本來冇味 質感好似啫喱一樣 用咗紅糖調味 冰冰涼涼 桃膠唔算好多 不過我反而比較在意係嗰啲珍珠 每一粒都好似爆珠咁入邊係有餡 我感覺係龍眼肉

今日嚟到筲箕灣重口味，顧名思義呢間舖頭嘅食物，基本上唔係酸就係辣 ，仲要有好多級嘅辣。。。好可惜今日嘅我有啲喉嚨痛，感冒😷 所以盡量都係叫啲清淡啲嘅嘢食。。。😭因為同行嘅朋友無辣不歡，又唔想佢掃興，所以都係照嚟呢度食返餐！酸菜炒豬肚 $78好欣賞佢嘅味道，佢嘅酸唔會令到人止步，要求微辣，加上胡椒嘅味道，豬肚又爽口，係一道令人好好醒胃嘅前菜！如果10分滿分，我會比12分😂清炒高筍絲 $68清清地叫咗個清炒高筍絲，好少喺出面食到高筍絲！師傅炒得好好！又唔多油，筍絲炒得好爽口，好欣賞😌招牌酸菜魚 (桂花魚) $268呢度餸去廚師推介👍🏻試試佢當然，酸菜魚一定要有辣先好食！但因為我唔舒服嘅關係，我亦都叫咗店員幫我將辣椒分開上，我食唔到，朋友都可以食😁桂花魚肉厚又鮮甜，魚肉冇全部起骨，咁樣先原汁原味係水準之作！但溫馨提示；食嘅時候要小心唔好硬到骨呀！總結一下，如果想挑戰食辣嘅朋友，呢一間真係值得推薦， 因為佢嘅辣都係逐級跳，咁就可以睇吓你自己有幾辣😁😆