影片
更多
2022-07-10
118 瀏覽
今日放工本身諗住做家庭煮婦，但諗諗吓又覺得最近壓力大，想出街行吓唞唞氣，於是喺巴士上面臨急臨忙上網搵餐廳再通知老公，咁啱醒起朋友介紹過木玥巷，所以就去試吓，咁啱巴士都順路😙。去到揀咗窗口位，環境簡潔舒適開揚。餐牌上面每樣嘢都好似好好食，樣樣都想試吓，最後揀咗招牌紅燒牛肉麵、黑糖蘋果西打豬軟骨、鹽酥雞、台灣雙色腸同黑糖寒天歐蕾。1️⃣ 招牌紅燒牛肉麵 🐂🍜 $96最初有啲疑惑點解會咁貴，一嚟到就知點解，真心有啲嚇親！佢裡面有兩塊超厚身同大塊嘅牛展，真係好似手指公咁厚。另外仲有一條好長好粗嘅牛筋同兩大塊牛肚，份量真係好驚人！味道又如何呢？除咗麵煮得淋咗少少之外，其他都要大讚。湯底好香濃，即要忍唔住飲幾啖，牛展牛肚牛筋都滷得好香好入味，質感軟嫩，正！2️⃣ 黑糖蘋果西打豬軟骨 🍎🐖 $70一嚟到又係有少少嚇親，無諗過$70嘅份量會有咁多，嗰度起碼有8大塊豬軟骨，每一塊都起碼有⅔隻手掌✋🏽咁長，好誇張！一放入口，🤩嘩！好美味呀！個汁真係好正，好香甜惹味，中間帶有少少醋味，食落有少少似糖醋排骨。豬軟骨好入味，肉質又軟又嫩，一啲都唔硬唔靭。我覺得比紅燒牛肉麵更出色！3️⃣ 鹽酥雞 🐓 $42好香口酥脆！雞有
去到揀咗窗口位，環境簡潔舒適開揚。餐牌上面每樣嘢都好似好好食，樣樣都想試吓，最後揀咗招牌紅燒牛肉麵、黑糖蘋果西打豬軟骨、鹽酥雞、台灣雙色腸同黑糖寒天歐蕾。
1️⃣ 招牌紅燒牛肉麵 🐂🍜 $96
最初有啲疑惑點解會咁貴，一嚟到就知點解，真心有啲嚇親！佢裡面有兩塊超厚身同大塊嘅牛展，真係好似手指公咁厚。另外仲有一條好長好粗嘅牛筋同兩大塊牛肚，份量真係好驚人！味道又如何呢？除咗麵煮得淋咗少少之外，其他都要大讚。湯底好香濃，即要忍唔住飲幾啖，牛展牛肚牛筋都滷得好香好入味，質感軟嫩，正！
2️⃣ 黑糖蘋果西打豬軟骨 🍎🐖 $70
一嚟到又係有少少嚇親，無諗過$70嘅份量會有咁多，嗰度起碼有8大塊豬軟骨，每一塊都起碼有⅔隻手掌✋🏽咁長，好誇張！一放入口，🤩嘩！好美味呀！個汁真係好正，好香甜惹味，中間帶有少少醋味，食落有少少似糖醋排骨。豬軟骨好入味，肉質又軟又嫩，一啲都唔硬唔靭。我覺得比紅燒牛肉麵更出色！
3️⃣ 鹽酥雞 🐓 $42
好香口酥脆！雞有雞味！點上清甜醬汁，好惹味！我老公超鍾意食🤤。
4️⃣ 台灣雙色腸 🍖 $46
一黑兩紅，味道好似無乜分別，點上醬汁，香甜惹味。
5️⃣ 黑糖寒天歐蕾 $34
味道清甜可口，奶味好香，質感好滑，寒天口感超可愛Q彈！唯一略嫌飲少咗咖啡味。
最後我哋食剩好多嘢🫠🫣，全部打包聽日當午餐😍。真係無諗過哩個價錢個份量會咁大，埋單只係$321，CP值超高！以後我同老公喺屯門又多一個選擇喇！
張貼
