影片
更多
2018-04-16
202 瀏覽
今日同媽媽慶祝生日，所以一早已經search定質素較為高嘅餐廳諗住食好啲。咁啱朋友介紹而我哋又未黎過呢度，所以就一早book定羲和雅苑試吓較為高質數嘅中菜。呢度無論餐廳內外都係非常之High class嘅感覺，飽覽維港嘅景色，喺餐廳外面等入去之際，亦都可以喺外面嘅看台欣賞下維港嘅絕色，留下倩影。呢度嘅服務員態度一流，雖然仲未安排到座位，見我哋有好多手提物品加埋小朋友，都安排露天嘅座位俾我哋坐住等，非常之貼心。等左一陣終於安排好位置，好suprise同興奮係安排左一個獨立房間俾我地，私隱度極高之餘仲要係飽覽維港嘅景色。黎得呢度梗係要試佢果個羲和馳名烤鴨，師傅仲會喺你面前施展刀工，好好睇。個烤鴨係三食的。第一食：會跳舞嘅烤鴨皮，蘸藍莓醬和爆炸糖一齊食，真係好有跳動嘅感覺，非常特別。第二食：鴨胸肉蘸秘製芥未醬，酸中帶甜第三食：鴨腿肉連埋皮包住啲配料特別係山楂條一齊食，可以消滯解膩。除咗烤鴨呢度仲有好多特色小菜值得推介。一開頭以為呢度啲餸菜每碟都唔係太貴，以為個portion好細，點知碟碟都好足份量⋯⋯性價比好高。椒麻澳洲牛肋條一定要試吓！估唔到中菜餐廳亦都可以將牛肋條煮得咁好味，牛肉鮮嫩，煮
呢度嘅服務員態度一流，雖然仲未安排到座位，見我哋有好多手提物品加埋小朋友，都安排露天嘅座位俾我哋坐住等，非常之貼心。
等左一陣終於安排好位置，好suprise同興奮係安排左一個獨立房間俾我地，私隱度極高之餘仲要係飽覽維港嘅景色。
黎得呢度梗係要試佢果個羲和馳名烤鴨，師傅仲會喺你面前施展刀工，好好睇。
個烤鴨係三食的。
第一食：會跳舞嘅烤鴨皮，蘸藍莓醬和爆炸糖一齊食，真係好有跳動嘅感覺，非常特別。
第二食：鴨胸肉蘸秘製芥未醬，酸中帶甜
第三食：鴨腿肉連埋皮包住啲配料特別係山楂條一齊食，可以消滯解膩。
除咗烤鴨呢度仲有好多特色小菜值得推介。一開頭以為呢度啲餸菜每碟都唔係太貴，以為個portion好細，點知碟碟都好足份量⋯⋯性價比好高。
椒麻澳洲牛肋條一定要試吓！估唔到中菜餐廳亦都可以將牛肋條煮得咁好味，牛肉鮮嫩，煮得又淋又入味，簡直就同韓式牛肋骨有得fight。
另一個自己比較喜歡嘅就係青梅一字骨。酸酸地，啲肉又夠鬆軟，食完一舊停唔到口。
食咗咁多紅肉，叫咗個宮寶大蝦球試吓。辣度啱啱好，蝦球亦都非常之大隻，爽口又彈牙。
另一個我覺得值得一試嘅係羲和小肉餅，佢有四件份量，可以share試吓。食落去有啲似芋魚，入面啲芋頭味好香，pack 得實實的，食半件已經覺得好飽。
人大左總係覺得一餐飯食到最後要有個甜品先係圓滿所以所以叫咗一個好高貴嘅紫薯燕窩燉蛋白，燕窩面仲有好多金箔，好滋補又養顏。第一啖食燉蛋白好滑、好清甜，之後加埋紫薯同燕窩一齊食，簡直係絶配。整體來講，無論環境、食物、服務都非常之一流，無論三五知己或者一家大細聚會都非常之適合。
張貼
