影片
更多
2020-11-20
79 瀏覽
疫情仲未完，防疫得好好嘅台灣都話可能要下年下半年先開關，想快閃去台灣食個肉燥飯真係有排都未有得去，唯一可以做就係香港食住台灣菜望梅止渴先。今日去左間cp值超高台灣café－ 101 台式休閒餐廳，食台灣fusion菜，晚餐連小食飲品每人都係80蚊有找，呢排天氣涼左仲有台灣涮涮鍋可以揀，超抵食！食台灣野一定唔少得肉燥飯，我地叫左個醬汁雞扒拼玉子豆腐肉燥飯套餐（包小食同飲品），聽落個名都知有好多材料，先講下雞扒肉質比我想像中嫩滑加埋少少黑椒同燒汁，非常juicy！肉燥飯配燒汁都意外地夾，咸咸地肉燥加埋甜甜地嘅燒汁真係好好送飯，肉子豆腐係炸嘅（第一次食），外面好脆而入面嘅豆腐又好滑，真係好特別，好似食緊天婦羅咁！跟餐嘅小食我地叫左台灣腸，雖然係跟套餐但份量一d都唔少，夠哂2個人share，唔似平時台式餐廳嘅炸香腸，呢度嘅台灣腸有黑椒加上甜甜嘅蜜糖味，又出奇地夾同好食！飲品叫左水蜜桃紅茶，水蜜桃味好出加埋少少茶香，好好飲！見到唔少人都係叫呢款～男朋友叫左日式壽喜燒豚肉小火鍋，火鍋非常之足料，有（豚肉，魚腐，玉子豆腐，豆卜，包心菜，蕃茄，粟米同金菇等等）仲配埋新竹米粉／米線／公仔麵／白飯等等可以
唯一可以做就係香港食住台灣菜望梅止渴先。
今日去左間cp值超高台灣café－ 101 台式休閒餐廳，食台灣fusion菜，晚餐連小食飲品每人都係80蚊有找，
呢排天氣涼左仲有台灣涮涮鍋可以揀，超抵食！
食台灣野一定唔少得肉燥飯，我地叫左個醬汁雞扒拼玉子豆腐肉燥飯套餐（包小食同飲品），聽落個名都知有好多材料，先講下雞扒肉質比我想像中嫩滑加埋少少黑椒同燒汁，非常juicy！肉燥飯配燒汁都意外地夾，咸咸地肉燥加埋甜甜地嘅燒汁真係好好送飯，肉子豆腐係炸嘅（第一次食），外面好脆而入面嘅豆腐又好滑，真係好特別，好似食緊天婦羅咁！
跟餐嘅小食我地叫左台灣腸，雖然係跟套餐但份量一d都唔少，夠哂2個人share，唔似平時台式餐廳嘅炸香腸，呢度嘅台灣腸有黑椒加上甜甜嘅蜜糖味，又出奇地夾同好食！
飲品叫左水蜜桃紅茶，水蜜桃味好出加埋少少茶香，好好飲！見到唔少人都係叫呢款～
男朋友叫左日式壽喜燒豚肉小火鍋，火鍋非常之足料，有（豚肉，魚腐，玉子豆腐，豆卜，包心菜，蕃茄，粟米同金菇等等）仲配埋新竹米粉／米線／公仔麵／白飯等等可以選擇，我地揀左新竹米粉同加配左美國殼飼肥牛片。
壽喜燒sukiyaki湯底甜甜地，唔似清湯咁淡但又唔會似其他濃湯咁heavy，豚肉片同肥牛片都幾新鮮，加上烚完之後好入壽喜燒湯底味，完全唔會太dry或者太韌，而新竹米粉配都幾推介，因為好快索到湯底好夠味！
跟餐仲配左珍珠奶茶，茶底都唔錯幾香，自己食個火鍋再加食埋d珍珠真係超飽！ 加配埋肥牛都只係86蚊真係好抵！
除左肉燥飯同小火鍋仲有牛肉麵，扒餐同小炒俾你揀，就算同一間餐廳都可以得閒試下唔同嘅菜式！
張貼
