全日雞實驗所 (通菜街)

營業中

休息中

全日雞終於開到黎旺角，就算weekday 夜晚都要排隊CP值好高，$63一個海南雞飯，包野飲如果要脾要加錢，但本身standard 已經會有翼、脾同胸胸超級嫩，完全唔乾柴，翼係三者之中最一般，皮好厚，雞味較淡。同埋佢d 雞略細件，冇平時既咁大份，但呢個價錢黎講已經好抵雞油飯佢係叫香飯，混入左炸乾蔥碎，名副其實好香，但唔油膩雞湯聲稱冇味精，飲落真係清甜，成餐飯我仲要有點醬油都唔覺得口渴另一個名物係肉餅，肉餅好香瑤柱味，d 肉唔係打到好碎，大大粒仲有彈性，不過略咸有點可惜既係飲品全部得凍飲選擇，如果唔飲凍野，只可以選擇走飲品不過用餐環境就一般，店面細細但擺位極進取，根本放唔到咁多位都夾硬放，個位係放4人台位，仲要塞多張2人台落去變6人台😂搞到走廊勁逼，食食下仲要起身比中間既人出，可以既話寧願外賣仲好。