全日雞實驗所 (通菜街)

營業中

休息中

//<全日雞實驗所>平日夜晚接近八點都仲要排15至20分鐘🙈🙈店內位置比較逼夾～坐低之後自己QR code落單📲📲——————————溫泉雞套餐配白飯 $63套餐包括雞上髀、雞胸、雞翼🐓🐓 鍾意健康嘅可以叫佢地雞胸柳套餐，好貼心💖💖 食得出啲肉係啱啱好熟，所以好滑✨✨ 雞胸都唔會話好嚡🤪🤪 不過雞味唔夠濃～ 醬汁嚟講小編最鍾意醬油，鹹甜適中🥰🥰 略嫌薑蓉磨得太細，唔夠口感🧐🧐小編鍾意食白飯，白飯粒粒分明🍚🍚 雞湯清清地唔錯🥣🥣 青瓜純粹用醬油漬，好清爽😚😚 仲有杯冷泡茶，成個套餐好抵食🤩🤩 ——————————咖央多士 +$25呢個多士真係好邪惡好邪惡好邪惡😈😈 中間層牛油再加咖央半溶嘅狀態好好食🧈🧈 塊多士唔知係咪影相影得耐唔夠香脆🤣🤣——————————評分：7/10地址：旺角通菜街80號地舖營業時間：星期一至日 11:30~22:00#全日雞實驗所 #旺角 #旺角美食 #旺角新加坡菜 #香港美食 #香港必食 #美食博客 #hkfood #hkfoodie #hkfoodblog #hkfoodblogger #hkfoodshare #hkfoodlover #🐷

旺角通菜街aka女人街近先達對面有間人氣餐廳主打溫泉海南雞，幾次路過見到好多人在店外排隊等位，排埋一份，其實翻枱都算快。① 溫泉雞胸柳套餐 $63雞胸柳|香飯|無味精靚湯| 醬油小黃瓜|三色醬汁（黑醬油、辣醬及薑蓉） |熱柚子蜜② 溫泉雞下庄餐 $80雞下庄| 葱油干撈麵+$5 |無味精靚湯|醬油小黃瓜|三色醬汁（黑醬油、辣醬及薑蓉）|冷泡烏龍茶餐廳最平及最貴的雞餐，兩款都係無骨雞，肉質真的有分別，雞胸比較健康，有比平常吃到的不覺得柴；下庄是非常嫩滑，但不會覺得肥膩，很棒！！油飯跟干撈麵挺香，兩樣都好食。餐飲除左一般汽水，就有冷泡茶及熱柚子蜜，不需另加錢。③ 咖央多士 $25見到好多枱都有加份咖央多，厚牛油！好邪惡！好食！④ 桑拿瑤柱肉餅 $36幾特別既瑤柱肉餅，口感實實地，同一般蒸肉餅唔同，可能有瑤柱關係，食落有少少鮮甜。⑤ 醬油糖心蛋 $10餐廳地方不大，有少少擠擁，不過店家好貼心在門口旁有個架，除左放外賣，仲可以比食客放袋。見到北角仲有分店，近我公司總部！下次去開會可以去食～正！

呢間小店被譽為全港最好味海南雞平日夜晚都大排長龍睇嚟係有佢嘅原因😋✨ 溫泉雞胸柳套餐 $63海南雞用雞胸同雞柳去整嘅難度真係好高一唔小心就鞋到食唔到但佢哋嘅雞胸柳仲keep到嫩滑唔鞋口！雞皮仲有層薄薄啫喱絕對係增肌減脂人士最愛🧡小菜係醬油小黄瓜同雞一齊食好清新醬料有黑醬油、辣醬同薑蓉薑蓉竟然係磨到見唔到薑嘅影子有啲驚喜！跟餐靚湯有淡淡椰子香冇味精嘅雞湯～蔥油乾撈麵 +$5見到好多人嗌左呢個撈麵原來都好有驚喜！蔥油同乾蒜嘅組合加埋麵質煙韌有咬口簡簡單單已經好好味～熱柚子蜜酸酸甜甜冬天飲暖笠笠～✨蒜香娃娃菜 +$12娃娃菜煮得好腍好入味～✨桑拿瑤柱肉餅（3件） +$36食到肉餅入面有唔少瑤柱香氣撲鼻肉餅口感軟綿綿果然係焗過桑拿嘅肉餅🤣✨溫泉雞髀套餐 $73雞髀全部啖啖肉仲要冇骨岩晒懶人🤣雞嘅嫩滑程度比起雞胸柳更高～雞油香飯粒粒分明香氣仲好濃郁～呢個餐都係跟靚湯同醬油小黄瓜～今次揀左熱鳥龍茶✨咖央多士 +$25多士兩面都烘到金黃色脆卜卜入面夾左甜甜嘅咖央醬同勁大舊牛油牛油仲要溶溶地滲入多士入面雖然係卡路里炸彈🤰🏻但食完真係好回味👛人均消費 ~$100 (冇加一)⏱冇限時🔎地址旺角通菜街80號

🐓 溫泉雞胸柳套餐配香飯（$63）呢個套餐有雞胸同雞柳、無味精靚湯、醬油小黃瓜，三色醬汁同飲品，全部都係無骨，啱晒我呢啲唔鍾意𦧲骨嘅人，無味精靚湯係椰子雞湯，飲落口清甜唔油膩，醬油小黃瓜清甜爽脆，雞胸雞柳用咗自家研發嘅「浸雞機」烹調，就咁食好鮮味嫩滑，鍾意食濃味嘅朋友可以蘸埋三色醬汁（黑醬油、辣汁，姜蓉），油飯同出面嘅油飯唔同，加左乾蔥，香口得嚟唔油膩🐓 溫泉雞套餐配香飯（$63）呢個套餐有雞翼，雞胸同上髀、無味精靚湯、醬油小黃瓜，三色醬汁同飲品，呢個亦係佢哋其中一個招牌套餐，朋友將原本跟嘅香飯改為蔥油干撈面（+$5），干撈面有蔥油同炸蒜，麵條十分彈牙，味道同某品牌嘅撈麵好似🤭飲品方面揀咗佢哋自家製冷泡烏龍，入口茶味香濃，甘甜解渴🐔 3件桑拿瑤柱肉餅（+$36）肉餅厚身，肉味香濃，口感結實彈牙，食到一絲絲嘅瑤柱，瑤柱嘅鮮味相當突出亦唔會搶過肉餅嘅味道🥚 醬油溏心蛋（+$10）溏心蛋好香，佢嘅溏心亦啱啱好，唔會過生都唔會過熟，佢用咗甜醬油製成所以味道帶甜🥬 蒜香娃娃菜（半份）（+$12）娃娃菜雖然寫係半份但都有唔少份量，整體味道偏淡，蒜香味如果突出多少少就完美喇🐻‍❄️ 要品嘗到佢哋嘅溫泉

旺角多嘢食就係人都知，成日都見呢間咁多人排隊，原來係食海南雞！今日我都想試吓😙外賣一個接一個，好采今次堂食都好快入到座，我同朋友各點咗一個餐:1） 溫泉雞套餐：雞翼：雞胸：上髀，蔥油乾撈麵，冇味精湯，醬油小黃瓜，三色醬汁（黑醬油、辣醬及薑蓉）咖央多士，冷泡烏龍茶$93青瓜脆卜卜好新鮮，配合店舖的醬料。鹹鹹的唔錯，好開胃！多士外脆內軟，外面暖暖的，裏面的牛油原本是小小冰凍的，一咬就溶😍甜甜地真係好正! 個清湯超級好飲！清甜好香椰子味，真係冇味精，真材實料😍雞肉幼嫩，連雞胸都唔鞋口，犀利，雞皮啲毛拔得好乾淨，平時小編最怕見到雞毛🥲三個醬都10分好食！薑蓉醬仲好特別，因為打成泥，平時出邊見到嗰啲會有油份的，但這個已經打成泥醬，好味！😋撈麵個面底幾厚實，有咬口，撈埋一齊唔會好鹹，令到面底剛剛好，加埋蔥和炸蒜，特別香口好吃😗2） 溫泉雞套餐：雞翼、雞胸、神秘，多香飯，味精湯，醬油小黃瓜，三色醬汁（醬油、辣醬及薑蓉），三件桑拿瑤柱肉餅，冷泡烏龍茶$105飯香油味，唔錯，仲係好大碗添！瑤柱肉餅下便有啲汁，肉餅甜甜的，好有瑤柱味道，真材實料，肉質好嫩，而且每件都好大件，好食！😍咁抵食，原來全日雞實驗所

溫泉雞下庄餐🐔呢一個餐好抵食，餐入面嘅溫泉雞下庄非常之咁滑，而且真係雞有雞味，目測覺得雞下庄既份量會多過普通溫泉雞餐，所以價錢貴少少，好味啲，份量又多啲，好似都幾抵呀！🙌🏻🙌🏻另外呢個套餐仲包埋香飯🍚、無味精靚湯🥣、醬油小黃瓜🥒、三色醬汁（黑醬油、辣醬及薑蓉）、可口可樂🥤，成個套餐非常豐富㗎！桑拿瑤柱肉餅套餐🐷呢度除咗溫泉雞出名好食之外，佢哋嘅肉餅一樣係重頭戲！加咗瑤柱去蒸，味道真係零舍鹹香好味，絕對係白飯小偷！套餐一樣配咗白飯、無味精靚湯、醬油小黃瓜、飲品！飲品除咗汽水之外，仲有熱柚子蜜🍊可以選擇，柚子香味重，消膩暖胃，天氣涼涼哋飲就啱晒！咖央多士🍞咖央多士唔係度度都有得食，既然呢度有當然要嗌啦！佢哋嘅央多士唔會太甜，夾埋牛油真係非常邪惡，正呀！😍😍醬油糖心蛋🥚糖心蛋蛋心真係做到晶瑩剔透，醬油調味適中，好食又抵食！蒜香娃娃菜🥬想食得健康啲，仲可以加個娃娃菜，健康得黎有蒜香味道又唔會太寡～

超嫩滑雞飯👍🏻旺角人氣食店，一去到已經要排隊，不過好快就有位。溫泉雞套餐配香飯有雞翼,雞胸,上髀.雞係超嫩滑,皮靚.油飯好香.配埋清甜椰子湯,黃瓜同飲品.真係好好味又抵食.份量多😍😍另外3個醬汁都好夠味，餸飯食一流。💰HKD$63如果唔想有骨，有另一個淨雞脾飯HKD$73加左3件瑤柱肉餅$13,肉餅軟硬度剛好,有住家飯味道😋咖央多士，好大塊牛油，但包皮唔夠脆💰HKD$25黎旺角真係要一試

我覺得哩間野之前有啲平台吹噓到太過名過於實見次次門口都大排長龍今次就試下啦點知真係勁伏囉我叫左一份 溫泉雞髀套餐睇見隔離枱食嘅餐咁少個心都已經有啲不祥嘅預感點知嚟到真係失望雞件既份量少不再話下雞又完全無雞味溫泉係個名啫唔係就連少少調味都冇掛心諗咩料呀個湯又淡過水醬油小黃瓜又係完全冇味環境又迫 隔離同隔離枱係勁埋囉完全係聽到曬隔離枱喺度講緊乜嘢不過唯一我覺得要讚嘅就係個三色醬個黑醬汁d味係可以不過汁都係份量太少整體嚟講係唔會有下次再嚟食囉😒😒

見到女人街新開咗一間「全日雞實驗所」🐔！雖然排隊人龍好長，但入座速度好快，唔使等好耐！職員態度友善，上菜速度也很快。呢間餐廳嘅招牌係溫泉雞，雞肉鮮嫩多汁，絕對係雞肉愛好者嘅天堂！⭐溫泉雞脾套餐⭐雞脾肉質鮮嫩多汁，搭配香飯和無味精靚湯，健康又美味。三色醬汁（黑醬油、辣醬及薑蓉）為雞肉增添層次感，特別是薑蓉的香氣，令人回味無窮。加配了一件桑拿瑤柱肉餅也非常出色，口感扎實，瑤柱的鮮味十足。 ⭐溫泉雞下庄餐⭐雞下庄份量更多，雞肉肉質滑嫩，搭配葱油干撈麵，香氣撲鼻。醬油糖心蛋蛋黃流心，口感濃郁。無味精靚湯清甜暖胃，整體搭配非常平衡。 餐廳最新推出的熱飲「柚子蜜」絕對是必試之選！柚子香氣清新，甜度適中，喝起來非常舒服，特別適合吃完雞肉後消膩暖胃！📍全日雞實驗所 （旺角）旺角通菜街80號地舖

見到全日雞🐔實驗室🏫門口排滿等位🧑‍🤝‍🧑👫嘅人， 好好奇🤔點解咁?! 原來佢啲食物性價比高，仲有唔同配搭優惠， 今日又經過呢間店， 剛巧時間尙早人龍唔太長， 所以就等下位。 今日好好彩，等咗10幾分鐘就可以入去食， 响排隊時聽到人講，原來北角都有全日雞， 嗰間係分店。🍭溫泉🐔雞下庄餐； 温泉鷄脾套餐雞件外型秀美💘， 外皮滿滿光澤🌟，皮下脂肪唔多， 肥瘦適中🕴️，皮光肉滑到似時常有做皮膚保養咁樣， 肉質嫩到唔洗大力𡁻🥳， 雞件嘅數量仲唔會因為係套餐而減少🤫， 而且跟餐有青瓜, 食飲料同雞湯， 湯好清甜， 味道順喉仲帶椰子🥥味， 原來係用椰子水煲， 好滋潤添。🍭咖央🧈多士，桑拿瑤柱肉餅另加咗少少錢多配桑拿🐽瑤柱肉餅同咖央牛油🍞多士。 多士烤得酥脆， 微甜嘅咖央混鮮牛油🧈塊令卜卜脆嘅面包多士更惹味。

間店冇網上講得咁好食，份量好少，一個後生仔叫一個set係唔會飽的。野就唔貴65左右。想試下可以食 or 想食雞都可以 都算嫩 但係雞飯真唔得。如果要排隊食的話就建議唔好了 唔值得排隊不過不失嘅餐廳

見好評如潮🐓所以一直都好想試下全日雞實驗所去咗旺角分店6點半已經有十幾人排隊真係好誇張🫡原來佢哋仲有間分店喺北角住港島嘅朋友都可以去試吓呀✧ 溫泉雞下庄套餐（$80）貴過普通雞set $17但排咗咁耐就想試到頂級( ง⁼̴̀ω⁼̴́)ง⁼³₌₃ 想講一拎到埋嚟已經好香空氣中充滿雞油嘅油香真係每塊雞肉都好滑！而且平時唔想食嘅透明啫喱今次都因為又熱又香都好易入口份量比正常多雞肉更滑性價比最高配咗香噴噴油飯🍚無味精靚湯醬油小黃瓜三種醬油：黑醬油、辣醬、薑蓉每種都係自家製好有誠意本豬就比較鍾意黑醬油帶少少甜味跟餐有免費嘅汽水同烏龍茶揀✧ 咖央多士（$25）呢個好驚喜麵包外脆內軟又帶有微焦香 入面夾咗厚厚兩片牛油 仲有濃郁咖央醬一齊食簡直係完美✧ 桑拿瑤柱肉餅（$13）仲加咗個桑拿瑤柱肉餅試下本身冇認真睇以為普通肉餅但嚟到聞到好香瑤柱味勁真材實料咬落去肉嫩鮮味超濃郁仲有絲絲咸鮮味送飯一流

前嗰排喺社交媒體網站見到開咗呢間新嘢，吹去到好特別好多人排隊好多人試咁樣，咁就諗住過咗熱潮得閒就試吓咁啦。今次就唔係咁啱經過旺角嘅，都特登喺佐敦去旺角睇吓佢嘅招牌溫泉雞咩料，諗住過咗熱潮同埋都過咗飯點，其實都夜晚八點㗎啦，諗住都唔會有好長嘅人龍啦，點知去到都有成10組人等緊，仲要等咗成10分鐘條龍都係冇郁過咁就嗌外賣攞返屋企試吓啦，點知味道好一般，寧願喺樓下買兩餸飯食仲開心完全食唔出有啲咩咁特別，講到話整咗全日，又溫泉雞咁樣，海南雞飯嘅靈魂「油飯」，都係一般其實係唔好食添！食過蘇山雞飯嘅海南雞，呢間嘢真係一半水準都冇😓 總括而言，下次經過旺角係唔會食呢間，就算係嗌外賣都唔會嗌！

🍽️全日雞實驗所嚟到旺角同🐯覓食，經過通菜街見到一間爆多人排隊的餐廳，秉承住香港人的排隊精神，緊係都要排一排睇下佢咩料👀溫泉雞胸柳套餐 💰63雞肉好嫩滑 一啲都唔柴 配上三色醬 蒜蓉 辣醬 豉油更加惹味🔥跟餐附有：醬油小黃瓜🥒小伴菜黃瓜調味唔會太重 食到一半飽飽地食啲小黃瓜可以解解膩 繼續作戰🤺蔥油乾撈麵🍜望落去勁吸引 味道唔會太濃剛剛好 撈麵好彈牙 有啲似烏冬質地重點係啲蔥油勁香 每條麵都掛到汁無味精老火湯🍲老火湯味道清得來唔會太淡飲到煲湯食材嘅味道👅調味啱啱好唔會太鹹最欣賞佢冇乜油 飲落去感覺好健康柚子蜜🍯有些餐廳柚子蜜熱飲會好酸 呢個完全唔會🩷而且柚子味勁香 好新鮮 消膩又暖胃加購：桑拿瑤柱肉餅🧖🏻肉餅好結實 唔係剁到爛囇嗰啲而且好夠味 勁香瑤柱味🤩咖央多士🥪好驚喜😍咖央味重得嚟唔會太搶 配上比熱辣辣多士溶化嘅牛油 勁邪惡 👿好香口 大推👍🏻❣️咬落去一口爆漿 勁好味門口亦都見到唔少健身人士排隊食呢間餐廳👍🏻充滿蛋白質 減肥健身人士都可嘗美食😍🩷問咗老闆點解會叫温泉雞咁可愛🐣原來溫泉雞名稱的來源是由於餐廳會以浸溫泉咁嘅形式將雞一步一步咁浸泡煮熟 令到雞肉的肉質更嫩滑 更美味😋 味道

全日雞實驗所 (通菜街) 二訪試試好多人嗌既撈麵 蔥油乾撈麵 跟餐+$5 結果好有驚喜!!! 麵條係較粗身既上海麵 有d似上海粗炒果隻麵 質煙韌有咬口 加埋蔥油同乾蒜 好惹味好好食! 但係雞就不過不失啦!