影片
更多
2021-06-12
37 瀏覽
今晚帶男友黎呢間咖啡店，推介佢食呢度的青醬雞排沙律，好味又份量足，而且咖啡好飲都幾岩佢黎品啡，海港城呢間分店裝潢有圓頂木拱門的牆身、梳化配以黑色水磨石紋理的背景，復古味濃，有點歐洲庭園的感覺。冷泡咖啡 Cold Brew Coffee $63用左埃塞俄比亞的咖啡豆，中度烘焙，果香及酸度都屬於中間，介紹提到果香濃郁。個人對咖啡認識唔多，但知道用左冷泡方法，令咖啡酸度同苦度都減低，味道比熱啡更好。咖啡飲落唔會有好香重的咖啡，個味幾輕，而且唔會好酸，亦都唔苦澀，非常易入口，幾岩我飲。伯爵茶鮮奶朱古力 (大) $44拉花好靚，見到都心情開朗，微微溫熱飲落舒服，伯爵茶的橘子果香清新及茶味甘香，朱古力味都幾濃，加上少少甜的牛奶中和朱古力，飲完唔膩好回味。青醬雞排沙律 $79之前都食過，仍然份量十足好抵食，雞排一如以往的肉嫩多汁，而且雞肉有彈性，用慢煮方法，令青醬香草更入味，每片雞肉都有蘿勒香。羅馬生菜新鮮爽脆，配搭火箭菜的微甘，油醋汁調味很好，加埋醃蕃茄乾及黑橄欖提味，好開胃清新。自家製香草牛肉漢堡伴黑松露沙律醬 $118漢堡烹煮大約需15mins，上枱時熱辣辣好正，只是漢堡無其他伴菜，但都份量夠
今晚帶男友黎呢間咖啡店，推介佢食呢度的青醬雞排沙律，好味又份量足，而且咖啡好飲都幾岩佢黎品啡，海港城呢間分店裝潢有圓頂木拱門的牆身、梳化配以黑色水磨石紋理的背景，復古味濃，有點歐洲庭園的感覺。
冷泡咖啡 Cold Brew Coffee $63
用左埃塞俄比亞的咖啡豆，中度烘焙，果香及酸度都屬於中間，介紹提到果香濃郁。個人對咖啡認識唔多，但知道用左冷泡方法，令咖啡酸度同苦度都減低，味道比熱啡更好。咖啡飲落唔會有好香重的咖啡，個味幾輕，而且唔會好酸，亦都唔苦澀，非常易入口，幾岩我飲。
伯爵茶鮮奶朱古力 (大) $44
拉花好靚，見到都心情開朗，微微溫熱飲落舒服，伯爵茶的橘子果香清新及茶味甘香，朱古力味都幾濃，加上少少甜的牛奶中和朱古力，飲完唔膩好回味。
青醬雞排沙律 $79
之前都食過，仍然份量十足好抵食，雞排一如以往的肉嫩多汁，而且雞肉有彈性，用慢煮方法，令青醬香草更入味，每片雞肉都有蘿勒香。
羅馬生菜新鮮爽脆，配搭火箭菜的微甘，油醋汁調味很好，加埋醃蕃茄乾及黑橄欖提味，好開胃清新。
自家製香草牛肉漢堡伴黑松露沙律醬 $118
漢堡烹煮大約需15mins，上枱時熱辣辣好正，只是漢堡無其他伴菜，但都份量夠大夠哂飽。牛肉漢堡加左香草同黑椒，非常香口惹味，肉質扎實但入口都有少少鬆化，而且多肉汁加上芝士的濃郁味道，還有黑松露沙律醬微酸唔膩，仲超香松露味，生菜、蕃茄、洋蔥等配料都新鮮爽口，麵包鬆軟唔會烘得好脆。
自家製 藍莓核桃蛋糕 $31
餐廳貼心地烘熱蛋糕再上菜，烘得邊位微脆身，仲傳來陣陣蛋糕芳香，蛋糕質感如磅蛋糕，但食落口感鬆軟，唔會好乾，厚切一大片好滿足，藍莓用量都幾多，核桃增加脆口感。
張貼
