Bread and Bistro (已結業)

星期日下午約左個住黃竹坑嘅朋友食野傾計，佢約左我去One Island South叫「Bread and Bistro」嘅一間cafe。一入去覺得空間感十足，事關餐廳樓底夠高，坐得好舒服。先嗌個番薯藜麥沙律。除左番薯同藜麥，重有沙律菜同薯仔。沙律菜夠爽脆，入面重有我最鍾意食嘅羽衣甘藍添！薯仔外脆內軟。番薯🍠又甜又脆又夠綿，加上燒焦了的外皮更有口感。沙律醬酸酸地加上酸甜蕃茄仔，食落清新又開胃。再嗌個黑松露醬野菌意粉。黑松露香味盈腔意粉軟硬適中菇漲卜卜好有口感醬汁好creamy最後嗌埋個甜品：抹茶布丁燒。有抹茶香，唔會過甜。上層布甸下層蛋糕，食落更有層次。