芝加哥串燒酒場

Chill Chill 霓虹燈之《芝加哥串燒酒場》蘭桂坊出名多酒吧，橫街小巷亦好多小店，五光十色既霓虹燈令人陶醉，酒吧設有大型LED電視，可以睇足球比賽，氛圍感十足，酒場有室內/外座位，餐廳酒水選擇十分多，有啤酒 / red wine / white wine / sake / gin / cocktail / whiskey等等應有盡有，我地叫左肉類有：炭燒鴨胸、燒雞腎串、即燒乳豬、鹽燒牛舌心、燒牛板腱、羊肉串、燒羊腩、煙燻和牛牛舌、雞皮餃子，串燒每樣即叫即燒，有驚喜即燒乳豬、鹽燒牛舌心真係必食，乳豬皮燒好脆口，燒牛舌心好爽口，對比煙燻和牛牛舌，同樣都係牛舌，煙燻牛舌口感淋軟，入口即溶，另外菜單有(拼盤)選擇，有雞皮墨魚滑/芝士雞肉/雞肉軟骨棒/蜜糖雞翼，雞皮墨魚滑同雞肉軟骨棒啖啖肉，芝士雞肉既芝士十分香，非肉類有：玉子燒、培根籚筍串、無骨白鱔串、三文魚鰭、牛油帶子、茄子燒，玉子燒中間個心做到半熟，無骨白鱔串香油十分香、茄子燒蒜味濃，總結，串燒每串都燒得恰到好處，唔會過左火位，而且酒場氣氛好好，值得再來。