影片
更多
2021-07-04
184 瀏覽
好chill黎個約會老公喺東涌打完針，一齊搵吓附近有咩好食。原來附近喜來登酒店地下有個世外桃源。行入去已經好relax。 見到角落有間La Rosebelle Bar & Grill。成間餐廳淨係食個環境已經抵晒，雖然門口位唔係太豪華，但係入到去你一定會嘩一聲，成間餐廳入邊都係歐式風格，超雅典裝潢，樓底勁高。餐廳入邊仲有個Live Band位，有個舞池，仲有桌球🎱飛鏢🎯食物方面都唔算貴，我地叫左法式青口鍋配炸薯條，烤法國春雞配炸薯條同炭燒紐西蘭羊扒配薯蓉。法式青口鍋配炸薯條。好大鍋青口，二個人食極都未食完，青口都幾新鮮，加上好creamy既忌廉汁，食落好似有少少酒香。烤法國春雞配炸薯條。佢地既春雞係即叫即烤，保證上枱新鮮熱辣辣。一切開就feel到好juicy ，有肉汁流出，肉質嫩滑，二人share一隻岩岩好。炭燒紐西蘭羊扒配薯蓉。見隔離枱叫左羊扒，我地都叫左。好正，老公大讚羊扒一啲羶味都冇，食得好滋味。而且佢冇特別醃制，中意食原汁原味既我就冇點汁，老公中意重味就點附上的醬汁。而薯蓉好creamy好滑，最後我一個搶晒黎食。飲品我地飲左Virgin Colada 同Strawberry S
老公喺東涌打完針，一齊搵吓附近有咩好食。原來附近喜來登酒店地下有個世外桃源。行入去已經好relax。
見到角落有間La Rosebelle Bar & Grill。成間餐廳淨係食個環境已經抵晒，雖然門口位唔係太豪華，但係入到去你一定會嘩一聲，成間餐廳入邊都係歐式風格，超雅典裝潢，樓底勁高。
餐廳入邊仲有個Live Band位，有個舞池，仲有桌球🎱飛鏢🎯
食物方面都唔算貴，我地叫左法式青口鍋配炸薯條，烤法國春雞配炸薯條同炭燒紐西蘭羊扒配薯蓉。
法式青口鍋配炸薯條。好大鍋青口，二個人食極都未食完，青口都幾新鮮，加上好creamy既忌廉汁，食落好似有少少酒香。
烤法國春雞配炸薯條。佢地既春雞係即叫即烤，保證上枱新鮮熱辣辣。一切開就feel到好juicy ，有肉汁流出，肉質嫩滑，二人share一隻岩岩好。
炭燒紐西蘭羊扒配薯蓉。見隔離枱叫左羊扒，我地都叫左。好正，老公大讚羊扒一啲羶味都冇，食得好滋味。而且佢冇特別醃制，中意食原汁原味既我就冇點汁，老公中意重味就點附上的醬汁。而薯蓉好creamy好滑，最後我一個搶晒黎食。
飲品我地飲左Virgin Colada 同Strawberry Smoothies。Virgin Colada 好好飲，好fresh又岩晒解渴，主要有椰子同菠蘿，凍冰冰飲返啖真係好透心涼。Strawberry Smoothies 都唔錯，但比起Virgin Colada，味道就淡啲。
張貼
