La Rosabelle Bar & Grill

講好嘅先環境真係唔錯地方闊落侍應都算有禮貌。我哋嗌咗個墨西哥粟米脆片同埋一個豬手兩個餸都不過不失還可以 但係最後嗌咗個西班牙海鮮雜燴配多士 我只可以話不可一不可再呢個雜燴差唔多$500真係對唔住佢嘅價錢全部海鮮都係冰鮮，而且係雪咗勁耐嘅成隻龍蝦除咗冇龍蝦味，口感仲要好乾冇肉汁勁似喺隔離酒店食嘅自助餐食淨留起拎嚟煮！而且咁嘅價錢一隻新鮮嘅蝦都冇，簡直係好唔抵，覺得佢成個菜嘅成本價其實$50都已經做到，唔明點解可以收貴我10倍價錢…Read More

已經係第二次幫襯 悠閒既星期日下晝 侍應超輕鬆哼著歌既接待 我同朋友既心情都放鬆落黎 餐廳環境舒適 寧靜闊落 感覺遠離煩囂 我地叫左lunch menu既Fish and Chips同Egg Benedict with Salmon 配埋cocktails 幾小時便輕鬆渡過 ☺️ Fish and Chips炸得好香口 份量唔小 兩個人share最適當 另外Egg Benedict with Salmon正常發揮 我自己較喜歡用酸包點蛋汁 😋 呢度已經成為我地聚腳點！…Read More

話說今次去咗間有種歐洲度假feel嘅餐廳，梗係要分享下啦！🍴首先，我嚟咗杯Shirley Temple，色彩繽紛添，飲落去得意啲令人心情好嘅氣泡，真係解渴又開心😋。而家講重點，佢哋嘅Angus Rib Eye 12oz，啲肉呢，簡直係每啖都欲罷不能！煎得啱啱好，外面微焦香，入口肉汁四溢，咁嘅烹調技巧迫使我忍唔住奉上拍手👏🏼。至於海鮮Paella，天啊，係我今生食過最足料嘅paella！海鮮鮮得出奇，每啖飯都帶埋海鮮味，食哂都仲想再食！最後，唔得不提嘅係裝潢，真係得其濃厚復古味，令哂dining experience提升好多檔次。宜家搵間可以留低滿滿美好回憶同味覺享受嘅地方真係唔容易，而呢度，完全符合咗我嘅期望，下次我哋聚會一定會再嚟！😊🌟…Read More

因為住東涌，聖誕節嗰晚去咗La Rosabelle dinner. 响Open Rice book 咗6:30pm, 去到其實都唔使book位，呢度長期都有位。真心唔知佢點生存。其實佢食物，環境，Service都唔差，可能位置比較偏僻，通常去都係附近啲住戶。嗰晚見佢有Christmas set dinner, 我哋叫咗一個，再加一個pepperoni pizza. Set dinner 包龍蝦湯，－個main, 甜品，再加一個紅/白/氣泡酒，都係$488，其實都幾抵。Pizza 都好大個，上枱嗰陣都熱辣辣，餅底又脆，真心好味。個set 我哋揀咗Turkey, 我個人覺得麻麻哋。dessert 係chocolate cake with cranberry sauce, ok啦。全晚都係得小貓三四隻，真心希望佢哋捱得住。…Read More

星期六下晝諗住去東涌搵嘢食去咗酒店附近嘅餐廳，見到裝修幾靚就入咗去環境真係好靚嘅，座位都好大，但係似乎星期六就冇乜人，下晝嘅話就得兩台客。食物方便，冇咗個三層架，就只能夠全日餐單去嗌最後食咗個卡邦尼意粉同埋一個可麗餅。卡邦尼意粉好好食，好推介。佢嘅蛋黃汁啱啱好，煙肉鹹鹹地，意粉亦都煙靭。其實真係煮得幾好食。係個份量少啲。而個可麗餅就一般般啦，餅底唔係太好食，香蕉都唔係好新鮮。 可以試第二個 總括嚟講下午茶嚟計就還好啦，唔係特別抵食。不過都feel到呢間嘢嘅意粉係好食嘅。夜晚嚟應該會好好環境同埋feel。佢呢度仲有桌球袋同埋有Band show …Read More