影片
更多
2024-01-16
6 瀏覽
🍽️和牛漢堡 Combo $139🍽️Black Cherry Swirl Gelatos $56🍽️Iced Chocolate $55呢間餐廳主打西式漢堡包同Gelatos雪糕，裝潢充滿復古氣息，環境舒適，服務態度又好好❥(˘͈ᵕ ˘͈❀)-和牛漢堡 Combo-包括一個和牛漢堡、一份薯條。和牛漢堡嘅肉汁豐富，肉質鬆軟，牛肉味香濃，配埋芝士、生菜、蕃茄同醬汁，層次豐盈，一咬落去所有肉汁爆晒出嚟，連平時麻麻哋牛肉漢堡嘅老公都大讚勁好食勁Juicy！而薯條就炸得好香脆，一啲都唔油，即使我哋唔係趁熱食，隔咗再先再品嚐，薯條依然keep到好脆口，值得一讚！-Black Cherry Swirl Gelatos-係黑櫻桃雪糕呀～～首先Gelatos雪糕口感真係好香滑，黑櫻桃味好突出，好濃郁，有非常輕微嘅酸味，打破咗我哋對水果味雪糕嘅印象，呢個Gelatos真係好香濃細滑，下次要試埋其他口味先得！-Iced Chocolate-本來對一杯凍朱古力飲品冇乜特別大期望，諗住都係普通嘢，點知佢嘅朱古力味好濃郁，但飲落幾Creamy，一啲都唔會覺得有朱古力嘅苦味，甜度好適中，配搭和牛漢堡食，估唔到原來都幾夾！呢
🍽️和牛漢堡 Combo $139
🍽️Black Cherry Swirl Gelatos $56
🍽️Iced Chocolate $55
呢間餐廳主打西式漢堡包同Gelatos雪糕，裝潢充滿復古氣息，環境舒適，服務態度又好好❥(˘͈ᵕ ˘͈❀)
-和牛漢堡 Combo-包括一個和牛漢堡、一份薯條。和牛漢堡嘅肉汁豐富，肉質鬆軟，牛肉味香濃，配埋芝士、生菜、蕃茄同醬汁，層次豐盈，一咬落去所有肉汁爆晒出嚟，連平時麻麻哋牛肉漢堡嘅老公都大讚勁好食勁Juicy！
而薯條就炸得好香脆，一啲都唔油，即使我哋唔係趁熱食，隔咗再先再品嚐，薯條依然keep到好脆口，值得一讚！
-Black Cherry Swirl Gelatos-
係黑櫻桃雪糕呀～～首先Gelatos雪糕口感真係好香滑，黑櫻桃味好突出，好濃郁，有非常輕微嘅酸味，打破咗我哋對水果味雪糕嘅印象，呢個Gelatos真係好香濃細滑，下次要試埋其他口味先得！
-Iced Chocolate-
本來對一杯凍朱古力飲品冇乜特別大期望，諗住都係普通嘢，點知佢嘅朱古力味好濃郁，但飲落幾Creamy，一啲都唔會覺得有朱古力嘅苦味，甜度好適中，配搭和牛漢堡食，估唔到原來都幾夾！
呢度嘅食物質素好高，價錢又好合理，坐位舒適，氣氛一流，估唔到喺銅鑼灣嘅鬧市入面都可以搵到一間可以俾我哋慢慢Chill住食漢堡嘅餐廳٩(*ˊ︶`*)۶♬
張貼
