影片
更多
2021-08-12
1058 瀏覽
一向都好鍾意大坑呢個小社區，唔太繁忙嘅街道加上多間文青cafe進駐，俾人嘅感覺好舒服好chill。呢日放假我就去咗bookmark咗好耐嘅cafe Oma Specialty Coffee嘆個brunch，皆因呢度嘅主食同咖啡都有唔少人推介。呢度嘅環境以白色同木為主要元素，空間感都幾大😗新奧爾良烤卡疆雞腿（天然無激素雞腿配自家製紅椒醬、麵包、烤蔬菜）除咗一般嘅all day breakfast同意粉之外，呢個雞腿就係呢度嘅signature。製作需時25分鐘，如果叫咗其他嘢食都可以叫店員一次過先上，可以一齊影相吖嘛。雖然要等25分鐘，不過我覺得係值得嘅😋😋雞腿大大隻超級巨型，上枱嘅時候聞到好香，味道都幾出色，雞皮脆脆哋，入面嘅雞肉嫩滑入味而且啖啖肉。要處理咁大隻雞髀生熟度好難控制，呢度就剛剛好👍🏻👍🏻雞髀下面鋪咗啲紅椒醬，另外仲有番茄仔、露筍同外脆外軟嘅麵包都幾好食。而家好多cafe藉住熱潮都冇乜放好多心機係食物質素上，只會濫竽充數咁提供好普通嘅食物，但呢度單憑呢個雞腿已經feel到佢對食物嘅堅持同心思🤩🤩焦糖布丁（原味）焦糖布丁🍮都係呢度signature，可以揀原味／抹茶味，幾欣賞
新奧爾良烤卡疆雞腿（天然無激素雞腿配自家製紅椒醬、麵包、烤蔬菜）
除咗一般嘅all day breakfast同意粉之外，呢個雞腿就係呢度嘅signature。製作需時25分鐘，如果叫咗其他嘢食都可以叫店員一次過先上，可以一齊影相吖嘛。雖然要等25分鐘，不過我覺得係值得嘅😋😋雞腿大大隻超級巨型，上枱嘅時候聞到好香，味道都幾出色，雞皮脆脆哋，入面嘅雞肉嫩滑入味而且啖啖肉。要處理咁大隻雞髀生熟度好難控制，呢度就剛剛好👍🏻👍🏻雞髀下面鋪咗啲紅椒醬，另外仲有番茄仔、露筍同外脆外軟嘅麵包都幾好食。而家好多cafe藉住熱潮都冇乜放好多心機係食物質素上，只會濫竽充數咁提供好普通嘅食物，但呢度單憑呢個雞腿已經feel到佢對食物嘅堅持同心思🤩🤩
焦糖布丁（原味）
焦糖布丁🍮都係呢度signature，可以揀原味／抹茶味，幾欣賞呢度嘅碟中間有個凹位可以hold住布丁唔會周圍郁。第一下筆落去布丁質感偏硬，不過食落好Q好滑，焦糖嘅焦香味濃郁唔會死甜，蛋香適中，好食😋
Iced Black
呢度連一般Black／White coffee都可以自己揀豆，每款豆仲有張卡仔寫住tasting note。今次揀呢款Ethiopia嘅豆果香味濃，酸甜有致，仲帶點black tea嘅after taste，就算係普通嘅americano都好出色👏🏻
人均消費：$200
推介指數（10分為滿分）：8.5分
張貼
