影片
更多
2024-03-11
30 瀏覽
🍣 鮨央泰終於嚟咗食呢間我bookmark咗好耐嘅omakase🥰 呢度嘅師傳都好專業又好nice，全程都好用心介紹食材，食得好享受☺️先付 🍅 沖繩水雲、靜崗高糖蕃茄首先前菜有沖繩水雲同靜崗縣嘅高糖蕃茄，水雲酸酸哋好開胃，加埋蕃茄嘅甜又match又清新🤤🦀 松葉蟹茶碗蒸之後嘅茶碗蒸啱啱蒸起暖笠笠好好味😋！茶碗蒸裏面除咗蛋，仲有日本年糕壽司十貫🍣*蜜柑雕壽司用咗愛媛縣嘅蜜柑皮調味嘅雕魚，食落有啲蜜柑嘅香甜，唔洗沾任何醬汁都好香甜☺️*北海道帆立貝壽司帆立貝好軟腍但又好肥美好飽滿！好食😋！裏面有少少wasabi，好新鮮😋*白蝦壽司呢個壽司上面舖滿咗超多白蝦，加上蛋黃豉油同鹽漬昆布，又香又嫩🤩*池魚壽司呢款係經典嘅江戶壽司，配合薑蔥，好鮮味，而且魚肉同魚皮顏色都好靚😍*深海池魚壽司深海池魚好有油脂感，魚油好香🥰 個魚皮仲有炙燒處理過😛*沙甸魚壽司第一次食沙甸魚嘅壽司！原來沙甸魚都可以咁嫩滑咁肥美㗎😍 呢個壽司係醋漬過，酸酸哋好開胃🤤 仲要食唔到有骨，太犀利喇！*赤身壽司呢個醬油漬嘅赤身係嚟自長崎縣，鹹香得宜，aftertaste超香🥳*拖羅壽司之後係嚟自同一條吞拿魚嘅拖羅，拖羅好厚身好肥美，爽
終於嚟咗食呢間我bookmark咗好耐嘅omakase🥰 呢度嘅師傳都好專業又好nice，全程都好用心介紹食材，食得好享受☺️
先付 🍅 沖繩水雲、靜崗高糖蕃茄
首先前菜有沖繩水雲同靜崗縣嘅高糖蕃茄，水雲酸酸哋好開胃，加埋蕃茄嘅甜又match又清新🤤
🦀 松葉蟹茶碗蒸
之後嘅茶碗蒸啱啱蒸起暖笠笠好好味😋！茶碗蒸裏面除咗蛋，仲有日本年糕
壽司十貫🍣
*蜜柑雕壽司
用咗愛媛縣嘅蜜柑皮調味嘅雕魚，食落有啲蜜柑嘅香甜，唔洗沾任何醬汁都好香甜☺️
*北海道帆立貝壽司
帆立貝好軟腍但又好肥美好飽滿！好食😋！裏面有少少wasabi，好新鮮😋
*白蝦壽司
呢個壽司上面舖滿咗超多白蝦，加上蛋黃豉油同鹽漬昆布，又香又嫩🤩
*池魚壽司
呢款係經典嘅江戶壽司，配合薑蔥，好鮮味，而且魚肉同魚皮顏色都好靚😍
*深海池魚壽司
深海池魚好有油脂感，魚油好香🥰 個魚皮仲有炙燒處理過😛
*沙甸魚壽司
第一次食沙甸魚嘅壽司！原來沙甸魚都可以咁嫩滑咁肥美㗎😍 呢個壽司係醋漬過，酸酸哋好開胃🤤 仲要食唔到有骨，太犀利喇！
*赤身壽司
呢個醬油漬嘅赤身係嚟自長崎縣，鹹香得宜，aftertaste超香🥳
*拖羅壽司
之後係嚟自同一條吞拿魚嘅拖羅，拖羅好厚身好肥美，爽😆😆
*北海道海膽壽司
海膽係凍嘅，又好creamy，食落好似雪糕咁，太幸福喇😭💓
*海鰻壽司
海膽壽司好新鮮！原來鰻魚唔一定要加超多醬搞到失去佢嘅鮮味㗎，就咁食都好好食🤤
🍳 玉子燒
好似蛋糕咁嘅其實係加咗魚肉同蝦肉嘅蛋嚟，完全冇麵粉㗎！食落好濕潤，蝦味香濃，好特別🤩
🍲 麵豉湯
店員隨即送上麵豉湯，清清喉嚨好舒服😌
🍓 草莓奶凍
嚟自福崗嘅士多啤梨配上北海道奶凍，鮮甜幼滑🥰
張貼
