孖啡 (已結業)

今日我同friend嚟到一間有boardgame 玩嘅cafe，係旺角彌敦道都幾方便。佢有holiday set lunch 100唔洗有個主食同野飲仲有有board game玩都幾好。每張檯有個鐘仔可以叫店員，都幾方便。首先係蜆肉意粉，蜆無沙，s ize適中但係個味道鮮甜，意粉彈牙，仲有啲蒜香味，份量都唔少。煙三文魚烘飽配薯條都好好食，配d生菜番茄同酸酸地嘅醬，烘飽鬆脆。薯條炸到金黃酥脆，粗薯好食。飲品方面，柑桔紅茶同蜂蜜綠茶都好解渴。最後，我試咗牛角窩夫配雪糕。牛角窩夫焗到香脆，熱辣辣配上雲尼拿雪糕，都好夾。我地坐左幾個鐘，都唔會有人趕。都幾好坐。