影片
港鐵油麻地站 A1 出口, 步行約3分鐘
繼續閱讀
開飯介紹
主打西式風格，其中有以塔羅牌命名的塔羅特飲值得一試，另有多款boardgame可供選擇。
繼續閱讀
營業時間
星期一至日
12:00 - 22:00
公眾假期
12:00 - 22:00
以上資料只供參考, 請與餐廳確認詳情
相關文章
食評 (1370)
喺旺角呢間Cafe食咗餐，驚喜係佢哋嘅水牛城雞翼！唔會太辣，酸酸地好開胃，酸辣平衡得啱啱好，啖啖肉都係嗰陣正宗味！好多舖頭都整唔出呢個味道，呢度真係掂！仲試咗個黑松露薯條，香脆可口，配雞翼一流。環境好chill，坐得舒服，服務都OK，店員好有禮。不過飲品杯有啲殘舊，邊位有啲污漬，略為扣分。整體黎講，水牛城雞翼值得一試！
繼續閱讀
可以無限時坐低食嘢飲嘢係吸引咗我哋過嚟嘅原因，而且朋友之前訂座仲有得送小食今次係六件咖喱角，味道正常冇乜特別。因為聖誕節嘅關係聖誕餐牌比平時餐牌係貴20至$30，其實嘢食都係一樣。個包比我心目中好食，而且仲有沙律同薯條份量都唔少，朋友嘅蜆肉意粉都幾香。飲品叫咗冇加錢嘅綠茶味道正常，不過加咗$28嘅芝士蛋糕就勁失望，好彩只係嗌咗一個，唔好食之餘冇芝士味，感覺上好似放題放咗三個鐘頭喺度吹雪櫃咁當初仲諗住好食嘅話就叫多個。每人大約$170價錢都算正常，因為可以坐到兩個半鐘。
繼續閱讀
難得嘅閨蜜時間👯♀️梗係要去食飯慢慢嘆Book咗呢間孖啡☕️位於旺角🙆🏻♀️地點好方便香蒜白酒蜆意大利粉 $122蜆肉份量夠哂多😋仲要好鮮甜❤️重點係無沙😂意粉帶有青紅椒，再配上蒜香香氣撲鼻🫶🏻明太子海蝦意大利粉 $136呢個不得了，入口好creamy帶有少少辣，緩解咗膩嘅感覺👏🏻海蝦啖啖肉🦐夠晒彈牙食到唔停口😆朱古力心太軟雪糕 套餐+$38好抵🍫出面食個心套軟要八十幾九十依家套餐只需要加$38 介開個蛋糕，睇住啲朱古力漿流出嚟好治癒😂特濃朱古力，唔太甜必點💜
繼續閱讀
呢間Cafe係我大學時期幫襯得最多既旺角Cafe，貪佢有boardgames玩，無限時任坐，仲要啲野食幾好食，性價比幾高。晚餐都有Dinner Set，包一杯$38蚊飲品，超過就補差額，亦可以散叫。煙三文魚意大利烘包配薯條（$118）女仔食唔到太多叫呢個Set就啱啱好，有沙律有薯條，重點係個包亦都好食，烘包入面夾住厚厚既煙三文魚，伴有蕃茄青瓜同凱撒醬，成個好豐富，每一啖都係豐富食材，完全唔會乾，黎營養價值都高。明太子海蝦意大利粉（＄136）呢個比想像中更好食，蝦既份量好多，每隻都好爽口彈牙。明太子醬份量亦都好多好充足，每一條意粉都均勻沾上左明太子醬，好掛汁好入味。藍莓果茶（跟餐補$18差價）呢壺果茶好大壺好襟飲，一杯一杯慢慢飲，飲左三個鍾先飲哂。味道偏酸，有養顏美容功效。朱古力心太軟雪糕(跟餐+$38)呢個每次黎都必點，咁既價錢咁既質素真係值。朱古力味超級濃郁，蛋糕質地唔會太乾或太軟，朱古力流漿比例亦剛好。
繼續閱讀
週末起身，懶懶地同個女出去食飯，嚟到呢間樓上咖啡廳，旺中帶靜，環境好闊落啲枱凳坐得好舒服，一人叫咗一個餐😋😋性價比都幾高，野食賣相又好，心情大靚✌️✌️✌️✌️叫左個全日早餐🍳 食物好豐富，雞蛋夠滑，又有三文魚同蕃茄汁荳，好食，配杯泡沫咖啡，泡沫咖啡賣相一流啊，好啱打卡🤤🤤🤤🤤正蜆肉意粉💁💁💁用蒜片、同洋蔥炒，蜆肉夠多夠鮮味，成個意粉都好入味好香口，呢個價錢，比想像中好食，擺盤賣相都好好👍👍😍😍配左杯朱古力咖啡，阿女怕肥走咗忌廉，所以賣相冇我個杯咁靚，但係佢話味道都幾好☺️☺️🤤🤤👍👍✌️✌️環境闊落配埋個咕𠱸坐得好舒服，同阿女傾埋偈，今個週末，好好享受，下次會再嚟😎😎😎
繼續閱讀