影片
更多
2025-06-09
885 瀏覽
食得快嘅可以做lunch 食得慢嘅可以拍拖撐枱腳食夜晚邊個話喺香港食壽喜燒一定係貴？不如去試吓呢間係金馬倫道嘅餐廳😆今次乜都唔好講講咗價錢先！精品赤身壽喜燒套餐 HKD 168日本黑毛和牛牛板腱壽喜燒套餐 HKD 258以上價錢包括：***前菜 + 野菜盛合 + 蘭玉蛋+ 日本米飯或讚岐烏冬 + 甜品***全日劃一收費亦不收加一服務費✨抵唔抵食就見人見智我自己就覺得超正！Menu簡簡單單就係關西風壽喜燒套餐 半煎煮嘅方式同關東嘅shabu shabu唔同呢間舖頭開咗半年唔夠環境一切都好是正有offer highball 清酒生啤都有無酒精飲品而肉類有唔同級數同份量可以選擇我揀咗個最平嘅同一個每日限量18份嘅餐油花嘅分布同入口嘅油脂感明顯有分別但兩款都絕對係有水準完全冇混水摸魚～加埋蘭王蛋每啖擺入口都忍唔住嗯咗聲🤣自家製嘅壽喜燒汁好似有淡淡嘅昆布味？唔係單調嘅糖加豉油味～個人認為好出色！如果最後真係覺得鹹嘅話有俾埋壺昆布湯可以埋尾當湯底咁煮～但我就全程壽喜燒到尾！飯係粒粒分明嘅珍珠米飯～配和牛夠晒醒神讚岐烏冬唔係稻庭烏冬所以相對唔會咁易爛煮耐少少一樣夠掛汁～粗身嘅烏冬食落超實在食到最後有
食得慢嘅可以拍拖撐枱腳食夜晚
邊個話喺香港食壽喜燒一定係貴？
不如去試吓呢間係金馬倫道嘅餐廳😆
今次乜都唔好講講咗價錢先！
精品赤身壽喜燒套餐 HKD 168
日本黑毛和牛牛板腱壽喜燒套餐 HKD 258
以上價錢包括：
***前菜 + 野菜盛合 + 蘭玉蛋
+ 日本米飯或讚岐烏冬 + 甜品***
全日劃一收費亦不收加一服務費✨
抵唔抵食就見人見智我自己就覺得超正！
Menu簡簡單單就係關西風壽喜燒套餐
半煎煮嘅方式同關東嘅shabu shabu唔同
呢間舖頭開咗半年唔夠環境一切都好是正
有offer highball 清酒生啤都有無酒精飲品
而肉類有唔同級數同份量可以選擇
我揀咗個最平嘅同一個每日限量18份嘅餐
油花嘅分布同入口嘅油脂感明顯有分別
但兩款都絕對係有水準完全冇混水摸魚～
加埋蘭王蛋每啖擺入口都忍唔住嗯咗聲🤣
自家製嘅壽喜燒汁好似有淡淡嘅昆布味？
唔係單調嘅糖加豉油味～個人認為好出色！
如果最後真係覺得鹹嘅話有俾埋壺昆布湯
可以埋尾當湯底咁煮～但我就全程壽喜燒到尾！
飯係粒粒分明嘅珍珠米飯～配和牛夠晒醒神
讚岐烏冬唔係稻庭烏冬所以相對唔會咁易爛
煮耐少少一樣夠掛汁～粗身嘅烏冬食落超實在
食到最後有個日式抹茶同黃豆蕨餅做甜品
呢個壽喜燒套餐真係超正超滿足😌✨
張貼
