牛大人台灣火鍋吃到飽 (鱷魚恤中心)

營業中

休息中

本身以為已經到咗春天，點知呢兩日突然之間天氣又凍咗好多，於是就去咗牛大人食打邊爐暖身。佢哋三月做緊黑白主題，無論湯底、食物、飲品選擇上都充滿黑同白兩隻顏色。我哋湯底就揀咗佢其中一種雪白御鮮豆腐鍋。店員特登攞咗一碟有豆腐、三文魚、菇等等嘅食物上嚟，原來係可以加入去做湯底嘅，另一邊我哋就揀咗佢哋傳統嘅麻辣火鍋湯底。因為係做緊黑白主題，所以都叫咗少少佢哋新出嘅食物，例如係佢嘅山葵豆腐。佢嘅豆腐面頭佈滿蟹籽同埋Wasabi，好惹味之餘味道又好特別。飲品方面就叫咗一杯半杯晨光·半杯暮色啤酒（$68/400ml)，其實係少爺手工啤，味道唔算好濃啤酒味，但係淡淡地幾好飲。我哋叫咗日本黑毛和牛A4+吃到飽套餐，想特別頭一提佢嘅A4和牛真係好出色，脂肪分布平均，入口即溶，而且非常有誠意，切得唔會薄到透明，不過食得多真係好漏，所以佢哋都好貼心可以比客人揀要半份😹。