影片
更多
2018-06-17
1147 瀏覽
「夢想」到底係咩一回事？小學生上堂發下夢幻想將來要寫一篇我的志願？定打工仔返工時候放空無聊狂想幾時退休？「夢想」呢兩個字，看似簡單，又好似遙不可及。從小到大，我都「夢想」可以開一間屬於自己嘅咖啡館，每日飲住唔同產地嘅咖啡，同唔同嘅知音人交流心得。不過，喺香港，我呢個「夢想」就好似遙不可及，只係合適商店嘅租金，已經令我嘅「夢想」落半閘。雖然「夢想」好遠，但依然無影響我嘅幻想，閒時假日鍾意探索唔同嘅咖啡館，靜待一個下午，讓心情放空一下，感覺一下。👉🏻未開始介紹食物前，我想簡單介紹一下「Ninety's」嘅小小背景；其實一開頭都唔係好認識呢間餐廳，不過佢嘅整體表現太令我印象深刻，係進餐期間我同員工溝通之中又得知老闆係90後，所以當晚食完飯返屋企，好奇心下就即刻上網search下來頭。老闆Bruno Koo，係一個90後，17歲就開始接觸咖啡，2011年更喺聖地牙哥拉花比賽得獎，之後佢去過台灣和同埋悉尼開咖啡店☕️「Ninety's」中文意思係90，睇返啱啱開業各大傳媒訪問佢嘅片段，佢解釋改名叫90係因為每樣野都想做到90分(留返10分有進步嘅空間)，加上佢自己係一個90後，所以順理成章改名「N
小學生上堂發下夢幻想將來要寫一篇我的志願？定打工仔返工時候放空無聊狂想幾時退休？「夢想」呢兩個字，看似簡單，又好似遙不可及。
從小到大，我都「夢想」可以開一間屬於自己嘅咖啡館，每日飲住唔同產地嘅咖啡，同唔同嘅知音人交流心得。
不過，喺香港，我呢個「夢想」就好似遙不可及，只係合適商店嘅租金，已經令我嘅「夢想」落半閘。
雖然「夢想」好遠，但依然無影響我嘅幻想，閒時假日鍾意探索唔同嘅咖啡館，靜待一個下午，讓心情放空一下，感覺一下。
👉🏻未開始介紹食物前，我想簡單介紹一下「Ninety's」嘅小小背景；
其實一開頭都唔係好認識呢間餐廳，不過佢嘅整體表現太令我印象深刻，係進餐期間我同員工溝通之中又得知老闆係90後，所以當晚食完飯返屋企，好奇心下就即刻上網search下來頭。老闆Bruno Koo，係一個90後，17歲就開始接觸咖啡，2011年更喺聖地牙哥拉花比賽得獎，之後佢去過台灣和同埋悉尼開咖啡店☕️「Ninety's」中文意思係90，睇返啱啱開業各大傳媒訪問佢嘅片段，佢解釋改名叫90係因為每樣野都想做到90分(留返10分有進步嘅空間)，加上佢自己係一個90後，所以順理成章改名「Ninety's」。
有緣嚟到「Ninety's」，只因為呢一日同同事行街，路過灣仔皇后大道東合和中心對面，就見到呢間透明落地大玻璃嘅咖啡餐館
門面睇黎唔算細，不過店面積就唔算好大，枱櫈都拍得密密麻麻，冇辦法！香港地價租金都貴，呢個情況都正正反映年青人有夢唔敢追， 寧願用盡一生努力成為「樓奴」成間餐廳設計走「工業風」
主要用上鋼鐵做素材，然後配上木枱，從每一個細節都可以見到老闆同埋設計團隊嘅用心。
開放式廚房設計
左邊係熱食烹調區；右邊主要係輕食飲品區。廚房裏面擺放得好整齊，絕對唔能夠相信可以煮出如此高質嘅菜式！水吧位置放咗部金色嘅咖啡機，相信都價值不菲，堅持返老闆對咖啡嘅執着幸運地，我哋夜晚7點嚟到，慶幸人仲未算好多，所以唔需要等位被安排入座之後，員工馬上遞上餐牌。
餐牌設計好簡單，但係感受到係精心設計過；
一塊金屬嘅排版，夾住咗厚牛皮嘅封面，封面印上咗咖啡廳嘅標誌-「九」；打開內頁，餐牌冇圖片，無graphic，只係米白色嘅紙同埋黑色嘅字，但係你會睇到感覺好舒服。
啊！重要一提，餐牌只有英文，老闆似係真係想營造一個澳洲cafe嘅感覺。生活喺香港，好多人都話「夢想」唔可以當飯食，的確！望一望menu，三百幾蚊一個龍蝦漢堡，以至一百幾十蚊一碟意粉，老闆將佢喺澳洲得到嘅經歷，餐牌嘅設計帶到香港，其實係咪真係合適？老闆嘅夢，要唔要醒過來？
入座之後，我哋打開openrice，參照咗過往嘅食評，參考左相片，最後揀咗四樣我哋最想食嘅嘢。廚房細細，心情都好期待到底食物質如何。
糾結咗一輪，落完單已經接近7:15，開始人流不絕，座內都已經坐滿客人，我好奇到底大家係咁岩路過？定係呢間餐廳食物質素確實高質，早有名氣？
聞名不如一嚐！第一道前菜大約10分鐘就呈現眼前。
Barbecued Spanish Iberico Spring Roll $68
Barbecued Spanish Iberico Spring Roll
$68
93 瀏覽
0 讚好
0 留言
外表睇落普通嘅春卷夾起嘅時候見到隻磨砂質地嘅碟其實都有少少油，我諗廚房可能缺少咗隔油嘅部份；雖然冇金黃色，不過食落口非常香脆！想讚一讚，佢嘅餡料唔少，更加有估唔到嘅驚喜！原來裏面隱藏住香港人成日加餸嘅「叉燒」！起初只係以為有菠菜同埋肉絲，但係咬下咬下尋覓到叉燒，叉燒更加唔係切粒嘅碎狀，而係完整嘅一細件，包係春卷入面炸過，叉燒冇咗平時嗰種燒臘蜜糖味，但係依然入味，豬味濃郁但唔騷，質感鬆軟。必須提一提個醬汁，我同朋友食晒春卷都估唔到佢係乜嘢材料整成，青綠色嘅醬汁酸酸地，冇草青味但係又會覺得佢係植物，呈現稀稀地嘅狀態，配春卷好match好清新，後來一問員工，佢哋同我講原來係芫荽整出嚟嘅醬料，立馬嚇咗一下，因為從小到大我都好怕芫荽，今日簡直係史無前例，天上有地下無嘅一次，口腔同芫荽有親密接觸，當然唔鍾意食芫荽嘅我絕對欣賞呢個醬汁，食完唔口臭添！
.
Piggy Piggy $148
Piggy Piggy
$148
92 瀏覽
0 讚好
0 留言
從來都唔食🐷豬腩肉嘅我，因為見到人哋影出嚟嘅相真係好吸引，所以決定破戒食一次！呢個漢堡包擺盤唔花巧，輕輕利用黃芥末畫碟。漢堡包睇落超巨大，一個人應該真係食唔晒！
兩塊厚厚嘅豬腩肉夾左係中間，有啲紅菜頭絲，羽衣甘藍，同埋青蘋果薄片。打開漢堡包面望真啲，兩塊厚約3cm嘅豬腩肉色澤光鮮，多汁唔乾，脂肪比例高；
我切左一件晶瑩剔透嘅脂肪部位放入口，入口即溶，油脂味滲透味蕾，佢仲要比普通港式叉燒更入味，似燒烤蜜糖汁，甜甜地唔咸，仲好入味！蘋果切得好薄！青蘋果嘅酸甜減低左豬腩肉嘅油膩；羽衣甘藍清新爽脆；紅菜頭因為遲咗絲，所以其實味道唔係好出，不過有增加口感嘅作用。.
20Mins Slow Cook Norway Salmon $168
20 Mins Slow Cook Norway Salmon
$168
100 瀏覽
0 讚好
0 留言
今次叫咗呢個20分鐘慢煮挪威三文魚，落單嘅時候侍應已經同我地講呢個可能要等20到30分鐘，不過唔緊要，食飯本來就係一件休閒嘅事情。係我哋食漢堡食到一半嘅時候，熱辣辣嘅三文魚隨即送上！
一個簡單嘅菜名，「Ninety's」完全將慢煮三文魚發揮得淋漓盡致！
慢煮三文魚比手掌長一啲，下面墊咗酸椰菜絲，旁邊有一個擺放得好精緻嘅番薯茸，另外一邊就放咗啲炒洋蔥蔬菜粒；另外淋上咗酸酸地嘅黃芥末汁係三文魚上面，呢個擺盤就如一個藝術品！
講返個味道，從來未食過咁滑嘅三文魚！我諗除咗同烹調方式有關之外，佢應該用咗三文魚腩嘅部份，脂質比例較高，所以入口又香又滑！
20 Mins Slow Cook Norway Salmon
33 瀏覽
0 讚好
0 留言
酸椰菜嘅味道，就好似德國菜中伴德國豬手嗰啲椰菜一樣，將椰菜切絲，混咗少少檸檬汁同埋黑胡椒，酸中帶出少少黑胡椒嘅香；
番薯茸打到好香滑，奶味比較重，但係冇遮蓋左番薯本身嘅甜味；
炒洋蔥粒係成碟菜裏面調味最多嘅部份，洋蔥味欠奉，食落有啲油，但如果只做伴碟，係可以接受；黃芥末酸酸地，唔辣，令到味道層次更上一層樓。
.
Mini Donut Toast $68
Mini Donut Toast
$68
104 瀏覽
0 讚好
0 留言
顧名思義呢個甜品係碳水化合物極高嘅，冬甩中間放咗一球芝麻雪糕，伴朱古力醬，有開心果碎同埋crumble碎，美感十足，賞心悅目！迷你冬甩一啲都唔油，而且密度高，非常飽肚！
Mini Donut Toast
114 瀏覽
0 讚好
0 留言
.
「夢想」係咪真係可以當飯食？己見係咪值得堅持？將澳洲嘅風格帶嚟香港，價錢又唔係算平，到底呢門生意可以堅持幾耐？要欣賞嘅人總不少，不過能唔能夠戰勝現實就真係不得而知，我當然希望佢能夠繼續經營，因為論食物質素同環境，都絕對感受到佢嘅誠意！
呢度最出名嘅係咖啡☕️，因為食晚餐怕飲咗咖啡會瞓唔着，唯有下次先再嚟品嚐佢嘅得獎咖啡；
此外見到佢水吧位置放咗一個個相當巨型嘅muffin同scone，作為麵包控其實真係好想試，不過今次因為太飽嘅關係未能有緣一嚐。
順帶一提，其實呢間咖啡館有分午餐同晚餐嘅menu
因為食完佢嘅晚餐太驚喜！所以不自覺咁參考左佢午餐嘅餐牌，午餐時段嘅lobster Benedict 感覺都相當吸引，唯有留待下次再會面！
張貼
