影片
更多
2024-07-26
3058 瀏覽
老公一向好鍾意食雞煲，今次搵嚟一間懷舊主題餐廳試下先。 餐廳以七、八十年代舊香港為主題，場內有唔少打卡位置。首先係霓虹燈、門口位置嘅龍鳳聯婚🐉，客人仲可以揀番自己嘅姓氏，喺前面打個卡。 店舖內仲不斷播放七、八年代嘅歌曲🎵，更加有feel。 餐廳主打雞煲火鍋及多款特色口味雞煲🐔，如榴槤雞煲及鹹蛋黃醬雞煲，今次我哋揀咗個秘制黃蜆惹味辣雞煲，辣度方面可以自由選擇，我哋揀咗個BB辣🌶。呢度嘅雞煲都用上新鮮雞，雞肉嫩滑，加上肥美嘅黃蜆，配合埋各種配料，整個雞煲鮮甜惹味。 食完雞煲之後可以揀雞湯或者豬骨湯底開始火鍋。 牛肉拼盤(細)：牛舌片、手切牛肉、牛胸尖、和牛金錢展、牛肉粒、雪花肥牛。牛肉都好嫩滑，牛味濃郁。另外第一次試牛胸尖，望落好似好油膩，但食落出奇地爽口。 回味五香肉丁餃：五香肉丁餃真係第一次食，餡料好特別，味道香濃。 豐盛雜菜拼盤：呢個豐盛雜菜拼盤認真夠晒豐盛，份量非常多，有唐生菜🥬、娃娃菜、蕃茄🍅、粟米🌽、金菇、蓮藕、木耳、而且仲有切成心形嘅蘿蔔🤍。 荔枝蝦球：比呢個名吸引咗，原來係個外型炸到好似成粒荔枝咁，金黃香脆，粒粒都好紮實。 鹹檸七用上70年代懷舊漱口膠杯，玩味十足。青檸酸味
老公一向好鍾意食雞煲，今次搵嚟一間懷舊主題餐廳試下先。
餐廳以七、八十年代舊香港為主題，場內有唔少打卡位置。首先係霓虹燈、門口位置嘅龍鳳聯婚🐉，客人仲可以揀番自己嘅姓氏，喺前面打個卡。
店舖內仲不斷播放七、八年代嘅歌曲🎵，更加有feel。
餐廳主打雞煲火鍋及多款特色口味雞煲🐔，如榴槤雞煲及鹹蛋黃醬雞煲，今次我哋揀咗個秘制黃蜆惹味辣雞煲，辣度方面可以自由選擇，我哋揀咗個BB辣🌶。呢度嘅雞煲都用上新鮮雞，雞肉嫩滑，加上肥美嘅黃蜆，配合埋各種配料，整個雞煲鮮甜惹味。
食完雞煲之後可以揀雞湯或者豬骨湯底開始火鍋。
牛肉拼盤(細)：牛舌片、手切牛肉、牛胸尖、和牛金錢展、牛肉粒、雪花肥牛。牛肉都好嫩滑，牛味濃郁。另外第一次試牛胸尖，望落好似好油膩，但食落出奇地爽口。
回味五香肉丁餃：五香肉丁餃真係第一次食，餡料好特別，味道香濃。
豐盛雜菜拼盤：呢個豐盛雜菜拼盤認真夠晒豐盛，份量非常多，有唐生菜🥬、娃娃菜、蕃茄🍅、粟米🌽、金菇、蓮藕、木耳、而且仲有切成心形嘅蘿蔔🤍。
荔枝蝦球：比呢個名吸引咗，原來係個外型炸到好似成粒荔枝咁，金黃香脆，粒粒都好紮實。
鹹檸七用上70年代懷舊漱口膠杯，玩味十足。青檸酸味以及淡淡嘅鹽味，消暑又解渴。
生啤：打邊爐梗係要啤一啤啦🍺，大大杯又解渴。
張貼
