龍鳳呈祥火鍋雞煲

營業中

休息中

一入餐廳好似回到70-80年代咁，與街道有強烈嘅對比，餐廳佈置同埋餐具充滿着懷舊特色，非常有心思，有霓虹燈牌、留聲機、舊式信箱、舊式鳥籠，poster等等，亦播住懷舊經典金曲，完全感受到香港上世紀嘅生活點滴。餐廳主打雞煲打邊爐，有多款創新選擇，例如雞煲翅、日本廣島蠔、季節限定嘅榴槤雞煲等等，今次揀咗招牌無骨鳳翼釀雞煲，雞翼去骨後釀入墨魚滑，食落去啖啖肉，最欣賞佢哋嘅秘製醬汁，加入咗花椒八角，麻辣得黎又好惹味，BB辣都已經好夠辣味。食完雞煲之後可以揀加雞湯/豬骨湯打邊爐，火鍋配料酒香陳年花雕浸牛肉非常出色，牛肉新鮮嫩滑，食到少許酒香味，另外龍鳳呈祥手打鮮蝦丸，用新鮮嘅蝦肉打至起膠，咬落去非常爽口，仲食到少少細細粒嘅蝦肉。自家製竹蔗茅根用咗黑綠色格仔嘅水壺盛住，好有特色，亦係解渴解辣嘅好選擇。