陳儀興牛什粉麵 (鴻祥大廈)

營業中

休息中

今日去咗旺角陳儀興牛什粉麵食佢哋最出名嘅崩沙腩同沙瓜，崩沙腩係招牌食品好食就唔需要再多講，沙瓜少啲地方有得食，問個店員，佢話其實係牛嘅第四個胃，口感軟滑而又好有咬口。我哋一入門口就叫咗個沙瓜餐客飯配套餐，包括一碟芥蘭，同凍奶茶。我哋再叫咗淨食崩沙腩。沙瓜真係好爽好滑，個牛腩汁都好鮮甜，配埋一齊食啱啱好，沙瓜底仲有啲生菜墊底，吸晒啲汁，一齊食就一流。崩沙腩入口即溶，好鮮好有牛味，就咁淨食大大份，啖啖肉，唔使慳住慳住食好爽😄再加碟芥蘭就一流，杯凍奶茶都唔會太甜，冰量都唔會好多，咁樣點一個晚餐就好夠喇，叫淨食好過叫兩個套餐，可以一次過大大碟咁樣食，過足癮。另外再點「我要晒」炸物，墨魚條爽甜，炸雲吞有原隻蝦，樣樣都好食。飯餐的飯量足兩個人分。