更多
2025-04-25
0 瀏覽
呢到嘅食材採用豐州直送時令海產同江戶前赤醋飯,仲提供新鮮即磨山葵同自家製醬油添🫶🏻呢到嘅食物種類都好多,有刺身、丼飯、壽司、燒物、串燒等,酒類同無酒精飲品都款式多樣😍我到訪果日,居酒屋更做緊破抵價優惠(侍應話呢個優惠會Keep住做一段時間),6隻法國普斯生蠔🦪 只需要$145,生蠔好新鮮清甜,勁量級肥美飽滿,肉質極Creamy做緊半價優惠嘅,仲有麒麟一番榨生啤🍺 ,500mL只需要$34😙 一隻生蠔,一大啖夠凍生啤,爽YY😋刺身亦係必點之選,有大本鮪魚腩、油甘魚、真鯛、三文魚同牡丹蝦 😗 Zaza最鍾意大本鮪魚腩🍣,佢係拖羅刺身嘅極品,取自藍鰭吞拿魚肥美之魚腩,入口即化,油香無與倫比;牡丹蝦🦐都係我嘅心水美食,蝦肉彈牙帶有黏黏口感,口感豐盈特選海鮮丼好大碗,刺身滿到就嚟跌出嚟~ 磯燒鮑魚、魚籽、海膽、吞拿魚蓉、赤貝、拖羅、牡丹蝦等等磯燒鮑魚肉質彈牙,煮得入味、拖羅入口即溶、赤貝爽口、牡丹蝦厚肉,唔止食材新鮮,醋飯夠黏又有咬口😍,自家焦糖玉子燒充滿蛋香🥚好耐冇食加州卷,呢到嘅壽司同刺身一樣,都好新鮮👍🏻海苔脆醬魷魚🦑嘅炸漿混入海苔碎,滿滿海苔香;而且炸得金黃香脆日式燉蛋同冷稻庭手打烏冬獲
呢到嘅食物種類都好多,有刺身、丼飯、壽司、燒物、串燒等,酒類同無酒精飲品都款式多樣😍
我到訪果日,居酒屋更做緊破抵價優惠(侍應話呢個優惠會Keep住做一段時間),6隻法國普斯生蠔🦪 只需要$145,生蠔好新鮮清甜,勁量級肥美飽滿,肉質極Creamy
做緊半價優惠嘅,仲有麒麟一番榨生啤🍺 ,500mL只需要$34😙 一隻生蠔,一大啖夠凍生啤,爽YY😋
刺身亦係必點之選,有大本鮪魚腩、油甘魚、真鯛、三文魚同牡丹蝦 😗 Zaza最鍾意大本鮪魚腩🍣,佢係拖羅刺身嘅極品,取自藍鰭吞拿魚肥美之魚腩,入口即化,油香無與倫比;牡丹蝦🦐都係我嘅心水美食,蝦肉彈牙帶有黏黏口感,口感豐盈
特選海鮮丼好大碗,刺身滿到就嚟跌出嚟~ 磯燒鮑魚、魚籽、海膽、吞拿魚蓉、赤貝、拖羅、牡丹蝦等等
磯燒鮑魚肉質彈牙,煮得入味、拖羅入口即溶、赤貝爽口、牡丹蝦厚肉,唔止食材新鮮,醋飯夠黏又有咬口😍,自家焦糖玉子燒充滿蛋香🥚
好耐冇食加州卷,呢到嘅壽司同刺身一樣,都好新鮮👍🏻
海苔脆醬魷魚🦑嘅炸漿混入海苔碎,滿滿海苔香;而且炸得金黃香脆
日式燉蛋同冷稻庭手打烏冬獲得咕吱大讚,燉蛋滑溜,仲加入原隻帆立貝、蜆肉、冬菇,充滿鮮味;呢到嘅冷烏冬會加入鵪鶉蛋,令湯汁更香滑
特濃開心果雪糕脆窩夫杯亦令咕吱食唔停,事關呢個係我哋食過最濃郁開心果味嘅雪糕🍧,雪糕上淋有開心果醬同堅果脆脆:師傅更畫上咕吱最近好鍾意嘅卡通人物Linabell,為呢餐飯畫下完美句號
張貼