影片
更多
2019-10-30
1175 瀏覽
6個家庭去食buffet，今次又揀咗8度海逸，因為呢度大家都讚好食，又抵食！而家佢做緊10周年優惠，讚好酒店Facebook仲有額外$220餐飲禮券。今次buffet係新出嘅「秋日環球海鮮盛宴自助晚餐」，又真係好多款海鮮。我每次重點必食梗係海鮮冷盤！有即開生蠔，仲有雪花蟹腳、海蝦、海螺等，星期五至日同公眾假期仲有波士頓龍蝦，我地都有拎到！ |海鮮種類好豐富！當然唔少得刺身、壽司都好齊全啦。其實，8度海逸自助餐嘅熱盤都係我食過嘅buffet當中算高質素，好多款式都有即煮，夠晒新鮮熱辣，推介必食嘅有：即煎鵝肝伴黑松露汁、籠仔蒸海上鮮、四川麻辣海鮮煲！個四川麻辣海鮮煲可自由配搭各款海鮮，包括扇貝、蝦、花甲、藍青口、皇后蟹腳，再交由廚師加入自製麻辣湯即煮即食，香噴噴！如果唔食得辣都唔緊要，今次新推出嘅迷你酥皮焗黑松露海鮮 都好好食！個牛油酥皮邪惡度爆燈，但唔食就係損失喇。值得一提係桂花片皮鴨 將片皮鴨放在薯片上，再配上秘製桂花醬，口味好獨特，次次出爐都好快被一掃而空，各位一定要留意睇實呀。甜品方面，一如往常咁豐富，呢度皇牌梗係芒果拿破崙啦，一定要留肚食番件，另外仲有芒果奶凍、榴槤忌廉蛋糕、即製
海鮮種類好豐富！
海鮮冷盤
17 瀏覽
0 讚好
0 留言
當然唔少得刺身、壽司都好齊全啦。
其實，8度海逸自助餐嘅熱盤都係我食過嘅buffet當中算高質素，好多款式都有即煮，夠晒新鮮熱辣，推介必食嘅有：即煎鵝肝伴黑松露汁、籠仔蒸海上鮮、四川麻辣海鮮煲！
個四川麻辣海鮮煲可自由配搭各款海鮮，包括扇貝、蝦、花甲、藍青口、皇后蟹腳，再交由廚師加入自製麻辣湯即煮即食，香噴噴！
如果唔食得辣都唔緊要，今次新推出嘅迷你酥皮焗黑松露海鮮 都好好食！個牛油酥皮邪惡度爆燈，但唔食就係損失喇。
值得一提係桂花片皮鴨 將片皮鴨放在薯片上，再配上秘製桂花醬，口味好獨特，次次出爐都好快被一掃而空，各位一定要留意睇實呀。
甜品方面，一如往常咁豐富，呢度皇牌梗係芒果拿破崙啦，一定要留肚食番件，另外仲有芒果奶凍、榴槤忌廉蛋糕、即製榴槤班戟都係必食嘅。雪糕係Häagen-Dazs，仲可以喺度即製窩夫！
小童6歲以下係免費嘅，所以呢度超多家庭客。仲有，酒店eShop預訂有8折優惠，唔好唔記得咁傻豬豬呀。
張貼
