影片
更多
2023-07-11
406 瀏覽
有次睇馬加貓(youtuber)，原本想睇野食中伏片，點知片內容係為呢間餐廳平反，睇完條片覺得好好食咁所以今日黎食左。首先服務真係一流 ，員工好有禮貌，一出𨋢有人歡迎你有人帶位，坐低左話比你知邊個位拎野飲，介紹返d食物。上茶速度快冇漏單。食餐飯幫你換左5次碟👍而家去酒樓食飯都冇左呢d services 介紹返刺身 叫左三文魚、帶子、甜蝦、赤貝、角螺、希靈魚、吞拿魚等等。係新鮮，亦都好鮮甜。燒物都好出色，見到我地食完刺身就上，全部都熱辣辣同脆身，燒得好好好有水準。羊扒同牛仔骨係好食，仲有大推既鹽燒大蝦，成隻手咁大，肉質彈牙，媽咪係咁話好新鮮d海鮮。有好多熟食都係睇完馬加貓條片跟住叫，大家都可以參考返。甜品佢有木槺布丁、奶凍、自家煲既南北杏冰糖雪耳同椰汁紫米露好食。之後瘋狂食雪米糍，同榴槤雪條食完心情大好埋單有加一 但樓下拎左個傳單有coupon有95折芝麻雞翼同黃金蝦係廢事畫紙所以直接叫人落單，其實都5好意思但我懶，d待應又好鬼死好幫我落環境正常乾乾淨淨 地方乾爽我極小會寫食評，但我5明點解咁多負評，可能同行競爭比人針，所以想為間野平反。
首先服務真係一流 ，員工好有禮貌，一出𨋢有人歡迎你有人帶位，坐低左話比你知邊個位拎野飲，介紹返d食物。上茶速度快冇漏單。食餐飯幫你換左5次碟👍而家去酒樓食飯都冇左呢d services
介紹返刺身 叫左三文魚、帶子、甜蝦、赤貝、角螺、希靈魚、吞拿魚等等。係新鮮，亦都好鮮甜。
燒物都好出色，見到我地食完刺身就上，全部都熱辣辣同脆身，燒得好好好有水準。羊扒同牛仔骨係好食，仲有大推既鹽燒大蝦，成隻手咁大，肉質彈牙，媽咪係咁話好新鮮d海鮮。
有好多熟食都係睇完馬加貓條片跟住叫，大家都可以參考返。
甜品佢有木槺布丁、奶凍、自家煲既南北杏冰糖雪耳同椰汁紫米露好食。之後瘋狂食雪米糍，同榴槤雪條食完心情大好
埋單有加一 但樓下拎左個傳單有coupon有95折
芝麻雞翼同黃金蝦係廢事畫紙所以直接叫人落單，其實都5好意思但我懶，d待應又好鬼死好幫我落
環境正常乾乾淨淨 地方乾爽
我極小會寫食評，但我5明點解咁多負評，可能同行競爭比人針，所以想為間野平反。
張貼
