大本瀛日式放題

營業中

休息中

場地裝修比較陳舊食物水準一般，不過不失，價錢合理預先訂位會另有一杯M字雪糕選擇~good整體服務非常之好，沒有漏單，特別想讚一位啡紅頭髮彎腰小哥哥，收點菜紙，收碗碟，換裝骨殼碟等等都非常快手。最深印象係佢路過見你剝緊蝦殼，轉頭即攞張新的濕紙巾，還撕定開口，静静放定在枱面等你剝完蝦可以即時抹手，超級細心！從未在其他地方遇過！最尾亦都會主動奉上一杯熱茶，非常體貼！今時今日好少有這麼不忘初心，認真專注服務又有效率的服務生，印象特別深刻，值得讚許！！

差唔多10年前嚟過，覺得好好食。今日返嚟好開心見到食物質素，味道，環境都冇變。好開心唔使用QR code，用紙同筆冇咁煩。 所有嘅夥計同老闆都好有熱情，好有誠意招呼我哋。一定會返嚟！

今日有兩個從英國嚟嘅朋友，唔知食咩嘢好，唸過哂最啱就係放題，因為咩都有得試嘛，最後上網睇過呢間放題嘅口碑幾好，決定試吓外國人對刺身，不太感興趣，但我哋有order驚喜，擺盤好靚刺身夠凍，三文魚厚度適中推薦跟住點咗牛舌，羊架，連外國人都贊，佢哋燒烤既所有野都好好食最後要贊既係佢哋泰國菜，食得出係自己整，唔係預製菜 最後一提，呢間餐廳係我朋友嚟香港，感受最深刻既餐廳，因為佢啲員工服務好好，好貼心下次會再嚟

第二次嚟大本瀛，今次嚟慶祝生日，雖然今次多咗啲同上次唔同嘅職員，佢哋嘅服務依然係勁好，同埋好細心～佢哋會久唔久幫我哋換碟，（不過有少少建議，放個骨桶喺度俾客人，就唔使成日幫人換碟咁辛苦😆）然後有個職員見到我哋冇紙巾，佢即刻遞啲紙巾俾我哋，然後話冇紙巾點得㗎～😆食到差唔多嘅時候，佢哋會成盤雪糕捧出嚟俾客人揀～成件事好warm～☺️到切蛋糕嘅時候，（見到有其他人生日）會播生日歌，（但我要求低調🥹唔需要）又會問我哋要唔要幫手影相。Btw,刺身擺盤整得好靚，咁啱係我鍾意嘅藍色～成餐飯食得勁開心🥰

今日突然之間想食放題，直接就覺得旺角應該係最多選擇，睇咗幾間之後決定嚟呢間大本瀛，性價比高，絕對係留港消費一個非常好嘅選擇，員工服務態度超好very nice,食物種類品種多，刺身非常新鮮，亦有鮮甜味，一定會再嚟

閑閑哋已經去過呢間放題起碼五次，每一次都會推薦俾身邊嘅朋友🫶🏼因為呢間放題店真係好有人情味，今時今日咁嘅服務態度真係好少見，絕對可以用賓至如歸嚟形容。琴日同啱啱喺英國返嚟嘅表妹食生日飯，原本佢知道要去劣食塔都有啲拒絕，但係坳唔過我，話一定冇伏，所以過咗黎。印象中疫情前過嚟食，呢度嘅店員已經好有禮貌，到疫情後嘅今日依然係同一班店員，依然保持高水準嘅服務質素。無論上菜定係換碟速度都非常迅速。食物方面，刺身有冰底，好厚切，食得出都非常新鮮，店員仲周不時會過嚟提醒我哋小心啲冰會溶，刺身要盡快食。熟食就不過不失，相比起疫情之前食物嘅款式好似少咗啲啲。但特別要稱讚燒牛舌真係好好食！各種爐端燒嘅食物都好出色。比甜品紙嘅時候，店員話每個人可以揀兩款甜品，但係如果想嘅話可以再同佢講，佢再拎俾我哋，原本我地打算出去雪糕櫃望吓有咩雪糕揀，然後非常好嘅女店員直接一盤雪糕拎過嚟，所有款式都係齊到，叫我哋可以隨便拎！呢樣真係非常抵讚！真係好多謝店員非常親切另外問過佢哋，如果唔係繁忙時間基本上都冇時間限制（當然要以店家決定為準）大家可以慢慢食盡情地傾吓偈。真心推薦呢間世一放題

一向覺得這間放題店服務水準真超好，所以今天巳是今年第四次來了。但今次真係超失望，事原每次都係選擇晚上7點入座，因特別會有3小時放題，衹要10點後不是太忙，再沒有人輪枱，幾個朋友飲住清酒(每位另加$40)吹下水，不再order食物，店經理都會酌情唔趕人客走的。但今次我哋未夠10點，侍應已不停吹我哋走。最後我哋10:20離座（因有成支清酒未飲完），但起身走時，侍應竟然講句好嘢! 終於走lu! “好行唔送!”真心希望衹係其中一個侍應服務水準不合格。但我都會決定暫別這間放題店先！

旺角一向食嘢選擇多。朋友今日揀左係兆萬嘅呢間放題。呢度係用紙筆落單的，食物選擇都ok，有兩個雪櫃嘅飲品🥤和兩個雪櫃嘅雪糕🍦。份量亦算唔錯，可能知大家每個款式食得唔多，可以逐件叫，如果一份份的，份量亦唔多，咁就唔駛浪費，又可以食多啲款式👍🏻食物質素不過不失，ok啦👌🏻卡位都算坐的舒服，見有人生日餐廳有播生日歌😄要讚嘅係服務一流，服務員常常收碟和換碟，都有一次漏單情況，但又好有禮貌咁覆返，問我哋可唔可以再落單。

好好味 刺身放得好靚呀生日又好聚餐又好 都係一個好選擇 好多款食品可以擇 上菜又快 地方乾淨 服務都唔錯👍🏻XD最梗要係就腳 旺角市中心 無預約都係等左一陣 就入得去 非常之好

我相信好多香港人呢排放假都會返大陸消費，貪佢商場大多嘢玩食嘢又平，種類又多。但係因為今日放假，要去複診做物理治療，所以留咗喺香港，就唯有喺香港消費啦😂今日出到旺角去咗一間日式放題，野食款式都幾多而且刺身熟食各樣都幾新鮮認真要推介大家。刺身<4/5>佢哋刺身款式唔算特別多，有三文魚，油甘魚，赤蝦，甜蝦，北寄貝，帶子嗰啲款都有齊，但係全部刺身都好新鮮，三文魚大細恰到好處有光澤👍，而且啲赤蝦全部都有剝咗殼，全部蝦蝦線都清得好乾淨，非常貼心🥹燒物<5/5>佢哋嘅串燒係我比較推介嘅一環，鹽燒海蝦隻隻好大隻肉質爽口🦐🦐，翠玉瓜燒出嚟好香好多汁💦鹽燒牛脷超好食🤩🤩炸物<3/5>佢哋嘅炸物款式都算OK，自己比較鍾意食榴槤炸彈，聽佢哋講啲榴槤炸彈係馬來西亞進口，所以榴槤味特別香，至於啲天婦羅炸唔算太厚，不過可能係炸定，所以正正常常啦。小炒<5/5>我想講佢哋啲小炒可以話呢間放題係一間被日本野耽誤咗嘅大排檔😄，全部小炒都好有鑊氣，炒通菜，炒牛柳粒，炒蜆我最鍾意，全部都有好有大排檔風味👍👍👍甜品飲品<4/5>佢哋嘅甜品同飲品款式

食物落單後好快送到，服務員個個都好有禮貌，細心貼心，今時今日服務態度值得一讚再讚👍👍👍👍👍👍，任飲罐裝啤酒都主動提供啤酒杯仲幫我倒入杯內享用，比起國內更有水準，刺身樣樣新鮮，生蠔就麻麻唔肥（可能唔係時令），牛舌厚簿都好味，每樣熱食都熱辣辣送到我哋面前，好有質素，雪榚雪條我哋本來想出去拎，服務員聽到就立刻集齊哂種類送到我哋面前任我哋選擇（當時仲係全場滿坐，個個超忙碌）見我哋自拍又主動幫我哋影相，我一定會介紹朋友嚟再幫襯

美國朋友終於搵到8-9年前食過的呢間餐廳！失而復得，4日去左兩次。店內乾淨，氣氛好好，員工開心又友善。老闆們親力親為，仲抽時間同我地傾左一陣，佢地真係用心去做好兩間餐廳！（新店喺香港仔）講真好久違呢種香港人情味。食物方面，性價比極高，最鐘意刺身，份量大又新鮮，壽司，燒菠蘿，芝士糯米球，羊架，同炸雞軟骨。其實一次食唔哂成個菜單，2-3次差不多，哈哈，下次再黎！大家可參考其他真實食評，大家真係食得開心，多回頭客。🍨雪櫃的飲品同雪糕雪條都好多選擇。加40蚊可以包Orion draft beer， 清酒同plum wine任飲，好良心價。食完開心，心裏更開心！真實食評，比大家參考。祝老闆繼續生意興隆，有溫度地經營呢間咁正的日本放題！下次回港再見，去埋你地新分店！加油，支持！

這問放題已經不知道幫襯了多少次，有令人賓至如歸的感覺，食物要寫紙入單，食物出品快而且甚少漏單，飲品選擇也ok多，食物也新鮮好味，出得最快的是刺身，也有手卷都好好味，有甜品紙的，但不在坐位上，要問職員取的，通常差唔多食完，職員便會遞過來的，職員有禮而且十分主動幫忙，試過手有掂到油漬，他們巳第一時間撕左張濕紙巾比我，見佢哋行來行去好忙但原來都會睇到客人的需要，真的很快手而且收碟都好快，幫襯了都至少5次以上，如果想食放題，第一時間便會想起這一間，除咗食物之外，職員的服務態度也是我想再次幫襯（利申：並沒有收過任何試食，試飲，或者任何不需要付款的利益）

大本瀛日式放題係一間好正嘅餐廳👍🏻👍🏻，真係物超所值。食物選擇都好多，有好多款新鮮嘅壽司同刺身，而且仲有唔同種類嘅軍艦同手握壽司。每一樣都好新鮮，質素都好高😆😆。仲有好多熱炒菜式，薯仔牛柳粒同黃金蝦🦐都好好食。佢哋嘅服務亦都好好，服務員好友善，而且好樂於推薦餐廳的唔同美食😉😉。用餐過程都好愉快，上菜速度快，等唔到好耐。整體嚟講，大本瀛係一間值得推介嘅日式放題餐廳😁一定會在去！👍🏻

識飲識食嘅，我成日周圍食嘢，今日嚟到而家喺兆萬中心嘅放題唔係講笑真係幾正，應該係話CP值超高餐廳環境⭐️⭐️⭐️係一間唔算好新嘅餐廳聽佢哋同事講都開咗10年，有裝修過，不過見啲牆身係有啲舊，但係坐落去都算闊落。刺身壽司⭐️⭐️⭐️⭐️刺身種類都算多，三文魚色澤分明有油光夠到夠新鮮，厚薄適中唔會話因為係放題所以薄切切。赤蝦好大隻，佢哋仲會挑埋腸，乾淨衛生，唔會食到一口沙。珍寶帶子都好大粒唔會好似出面啲放題剁到碎晒。。其他壽司款火炙壽司樣樣都好食，作為壽司控既我每樣都食咗兩件，其他軍艦紫菜都好脆身唔係腍啤啤。熟食方面⭐️⭐️⭐️⭐️⭐️燒海蝦好大隻啲同事講話係用虎蝦，我相信好少放題會用到，肉身爽口，簡簡單單用海鹽燒已經好好食。另外要提一提個燒牛舌，我想講係未食過一間放題嘅牛舌咁好食，入味之源唔會好乾身燒到啱啱好。羊架都好大件同埋啲同事會好細心提你趁熱食唔係會show好貼心。仲有其他炸嘢同其他放題都差唔多啦，大致一樣樣唔使特別講。服務⭐️⭐️⭐️⭐️⭐️呢度嘅服務係好貼心，每一個位置都好到位，例如食蝦嘅時候佢哋會主動遞紙巾比客人。啱啱坐低佢哋亦都主動拎汽水俾我揀未試過有一間放題會連汽水都攞埋俾你揀，我見到佢哋有啲其他客人生日